E shtunë, 13 shkurt, 2016

    Lajme / Ballkani

    Amb. Lino: Shqipëria, SHBA kanë të përbashkët idealet e lirisë

    Ish-ambasadorja thotë se Shqipëria do të jetë gjithmonë një vend shumë i veçantë për të

    x
    Shtetet e Bashkuara kanë luajtur rol parësor për të mbështetur anëtarësimin e Shqipërisë në NATO. Por marrëdhëniet e mira mes dy vendeve e kanë zanafillën më herët. Shqiptarët e shohin me mirënjohje Presidentin amerikan Woodrow Wilson, të cilin e konsiderojnë si mbrojtësin e egzistencës së shtetit të tyre. Kjo mirënjohje u thellua më tej me mbështetjen e Shteteve të Bashkuara për shpëtimin e Kosovës nga spastrimi etnik i regjimit të Millosheviçit dhe më pas kur ato u bënë mbështetëset kryesore të pavarësisë së saj. Me rastin e 100 vjetorit të pavarësisë, Zëri i Amerikës do të vazhdojë t’ju sjellë mesazhe përshëndetjeje nga ambasadorët amerikanë që kanë shërbyer në Shqipëri pas rivendosjes së marrëdhënieve diplomatike në vitin 1991. Dhe ndërsa Shqipëria feston më 28 Nëntor 100 vjetorin e pavarësisë, vetëm një javë më pas, më 4 dhjetor, mbushen 90 vjet nga vendosja e marrëdhënieve të para diplomatike me Amerikën në vitin 1922. Në vazhdim mund të lexoni përshëndetjen e zonjës Marisa Lino, e cila ishte ambasadore në Shqipëri nga viti 1996 deri në vitin 1999.



    Ishte nder i veçantë të përfaqësoja Shtetet e Bashkuara në Republikën e Shqipërisë gjatë disa prej viteve më të vështira të historisë pas komuniste të saj.
     
    Shqiptarët kanë një trashëgimi krenare dhe i përkasin një civilizimi të hershëm, ata janë luftëtarë trima, që, sipas traditës së Skënderbeut, luftojnë kundër shtypjes – sot, kjo do të thotë që Shqipëria është përkrah Shteteve të Bashkuara dhe vendeve të tjera të NATO-s në Afganistan. Shqiptarët janë të njohur për bujarinë dhe mikpritjen, tipare që pata rastin t’i shoh nga afër gjatë fluksit të madh të refugjatëve nga Kosova në vitin 1999.  Shumë shqiptarë hapën dyert e shtëpive dhe strehuan njerëz të panjohur që po i largoheshin shtypjes – ashtu siç shqiptarët kishin bërë edhe gjatë Luftës së Dytë Botërore.
     
    Po ashtu unë pata rastin të shoh shpirtin shqiptar të pavarësisë, që çoi në shpalljen e pavarësisë nga Perandoria Osmane 100 vjet më parë, e mbështetur me krenari nga Presidenti Udrou Uilson. Në historinë më moderne, i njejti shpirt pavarësie ka çuar në krijimin e shumë partive politike dhe në konflikt politik, në periudhën pas viteve 1990 e deri sot. 
     
    Shqipëria dhe Shtetet e Bashkuara ndajnë të njejtat ideale për lirinë. Në Shtetet e Bashkuara ne kemi punuar për t’i kthyer këto ideale në realitet për më shumë se 200 vjet dhe ende nuk i kemi arritur të gjitha synimet tona. Shqiptarët kanë qënë të lirë të punojnë për këto ideale për një kohë shumë më të shkurtër, kështu që kur njerëzit më pyesin në se unë jam optimiste për të ardhmen e Shqipërisë, unë përherë përgjigjem PO. Shikoni sa shumë keni arritur.
     
    Nëse shqiptarët e thjeshtë janë aq bujarë sa të mirëpresin të huajt, unë kam besim se klasa politike shqiptare do ta gjejë rrugën e saj drejt të ardhmes, ndonëse shpresoj që për këtë nuk do të duhen 100 vjet të tjerë. Kam vetëm një gjë tjetër që dua shtoj: unë lashë një pjesë të zemrës time në Shqipëri dhe ky vend do të jetë përherë shumë i veçantë për mua.
     
    Urime të gjithë shqiptarëve.
    Ky forum është mbyllur
    Përzgjedhja e komenteve
    Komente
         
    nga: Anonim
    22.11.2012 21:57
    Marizo Lino ishte ne nje periudhe nga viti 1996 deri ne vitin 1999 ku ish Presidenti Berisha ne vitin 1996 ,fallsifikoi zgjedhjet duke i vjedhur votat dhe vazhdon edhe sot,ne vitin 1997 bien firmat piramidale ku Berisha thoshte se paret e shqipetareve jane te pastra dhe populli u sul duke hedhur parate ne keto firma mashtruse dhe pati revolte me 2000 mije shqipetare te vrare dhe deme materiale ku Gazidede Drejtor i SHIKUT thoshte se kete revolte e beri CIA dhe perforconte me tej Blerim Cela dhe Mariza Lino e benin grekofile.u ftohen maredheniet me SHBA nuk u prit Sekretari Departamentit te Jashtem Z Kristofer..por Mariza Lino mbrojti politiken amerikane.sepse Qeverine Berisha drejtohej nga UDB JUGOSLLAVE KU MILLOSHEVIC HARXHOJ 19 MILION DOLLARE PER TE SHKATERUAR SHQIPERINE KETE E REALIZOI,MILLOSHEVICI E DEKLAROI NE PARLAMENTIN SERB..NGA KJO PERIUDHE DUHET NJE ANALIZE NGA TE GJITHE AMBASADORET..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.