E premte, 31 korrik, 2015

Lajme / Ballkani

Mark Gjonaj, shqiptaro-amerikani i parë në post të lartë politik

x
Ilir Ikonomi
Të dielën që kaloi, në Bronks të Nju Jorkut u bë ceremonia e betimit të shqiptaro-amerikanit Mark Gjonaj, i cili në muajin nëntor u zgjodh anëtar i asamblesë së shtetit Nju Jork. Biznesmeni Mark Gjonaj është shqiptari i parë që zgjidhet në një post politik të këtij niveli në Shtetet e Bashkuara.

Kur Mark Gjonaj bashkë me familjen hyri në sallën e ceremonisë të mbushur plot me njerëz, duartrokitjet nuk përmbaheshin. Ishin brohoritje për një ëndërr amerikane të bërë realitet.



Mark Gjonaj është lindur në Bronks dhe ka jetuar këtu gjithë jetën, por familja e tij ka ardhur në Amerikë nga Ulqini.

Pas një beteje të vështirë zgjedhore, së cilës zoti Gjonaj i hynte për herë të parë, ai mundi të zgjidhet në Asamblenë e shtetit të Nju Jorkut me 150 anëtarë. Mark Gjonaj përfaqëson në asamble distriktin 80, ku jeton një numër i madh shqiptarësh. Ai i kupton ëndrrat e imigrantëve dhe shpresat e tyre.

“Ata duhet ta dinë se unë do të zgjohem çdo mëngjes me ta në mendje dhe do të shkoj të fle me mendimin se u kam shërbyer mirë. Kjo është mënyra se si do të përfitojnë ata,” thotë zoti Gjonaj.

Biznese të vogla këtu në Bronks, si kjo piceri e menaxhuar nga Zef Vorfi, shpresojnë të përfitojnë.

“Ka rëndësi, për mendimin tim, që, e para është shqiptar, di traditat tona, dhe ne do ta kemi të lehtë të shkojmë të ankohemi te dikush. Besoj se ai do të mund të ndihmojë njerëzit e zgjuar dhe me shkollë”, thotë pronari i restorantit, i cili ka ardhur këtu nga Mirdita.

“Është mirë sepse është hera e parë që një shqiptar arrin të futet në politikë këtu në Amerikë. Na vlerëson neve si komb prandaj jemi shumë të gëzuar që Mark Gjonaj arrin këtë.”

James Vacca anëtar i Këshillit të qytetit të Nju Jorkut, mendon se Mark Gjonaj nuk është me rëndësi vetëm për shqiptarët si komunitet:

“Fitorja e tij flet jo vetëm për rritjen e komunitetit shqiptar si numër, por edhe për faktin se si shqiptar, Marku u ka shtrirë dorën edhe pjesëve të tjera të komunitetit: hispanikëve, afrikano-amerikanëve, italo-amerikanëve. Për ta ai është bërë simbol i pavarësisë politike. Prandaj fitorja e tij është një pikënisje e mirë për lajme të mira në të ardhmen,” thotë zoti Vacca.

Amerikanët i marrin seriozisht ceremoni të tilla ku komuniteti nderon njeriun që do t’a përfaqësojë në kryeqytetin e shtetit Nju Jork, Albany. Këtu kanë ardhur thuajse të gjithë përfaqësuesit e zgjedhur të Bronksit, në të gjitha nivelet. Fjalimet e tyre janë të gjata.

Megjithatë, ato ndiqen me shumë vemendje nga njerëzit që mbushin sallën, mes të cilëve një pjesë e mirë janë shqiptarë. Njerëzit kanë sakrifikuar pasditen e së dielës për të shprehur edhe një herë mbështetjen ndaj njeriut të tyre, Mark Gjonaj.

Nga Uashingtoni kanë ardhur ambasadori i Shqipërisë, Gilbert Galanxhi dhe ambasadori i Kosovës, Akan Ismaili. Ata kanë sjellë për Mark Gjonajn mesazhe urimi nga qeveritë e tyre.

Eliot Engel është ligjvënës nga Nju Jorku në Kongresin amerikan. Distrikti që ai përfaqëson, përfshin pjesë të Bronksit. Ai tha:

“Kur zgjidhni dikë në një post politik, ju duhet një njeri inteligjent. Marku është inteligjent. Ju duhet një njeri që i njeh mirë njerëzit dhe bashkëpunon mirë me ta. Marku është i tillë. Ju duhet një njeri që nuk ia përton punës. Marku është nga ata që punojnë shumë.”

Charles Schumer, njëri ndër dy senatorët me të cilët përfaqësohet shteti i Nju Jorkut në Kongresin amerikan, ka njohje personale me zotin Gjonaj.

“Kemi zgjedhur njërin ndër më të mirë që kemi, Mark Gjonajn. Zonja dhe zotërinj, nëse Banjamin Franklini do të shihte nga lart këtë auditor sot pasdite, ai do të buzëqeshte. Kjo është pikërisht demokracia që ai dëshironte,” tha senatori i njohur.

Kulmi i ceremonive arriti kur Mark Gjonaj, në prani të familjes bëri betimin.
Hajdar Bajraktari, biznesmen në Bronks, mik i hershëm me Mark Gjonajn, ka shpresë se ky shembull do të pasohet me të tjerë në komunitetin shqiptar.

“Ka shumë shpresa që njerëzit tanë do të jenë në qeverinë amerikane, edhe në qeverinë lokale edhe në atë federale. Një ditë do të kemi një kongresmen, një senator dhe një president.”

Mark Gjonaj do të shkëputet tani nga punët e biznesit privat, i cili gjithsesi do të mbetet brenda familjes. Tani e presin detyra të mëdha:
 
“Do të përpiqem për gjëra të tilla, si të sjell vende pune të paguara mirë në këtë komunitet, do të përqendrohem te shkollat dhe tek edukimi, që janë aq të nevojshëm, do të kujdesem për programet e të moshuarve, pra gjithçka i nevojitet ekzistencës së komunitetit.”
Ky forum është mbyllur
Përzgjedhja e komenteve
Komente
     
nga: Arlinda nga: Tirane
17.01.2013 22:42
Urime Markut! Sidoqofte, Prof. Dr. Dritan Zela ka qene zgjedhur ne pozita shume te larta (nuk po bej krahasime por secili mund ti beje vete). Ai ka qene zgjedhur anetar i komitetit drejtues te Partise Demokratike te Arizones si edhe eshte zgjedhur nga populli i Arizones delegat ne Konventen Kombetare per President te Partise Demokratike te SHBA-se me 2004!

Suksese te gjithe shqiptareve te zote dhe qe enderrojne!


nga: SiBe nga: New York - USA
17.01.2013 13:04
Suksesit te Mark Gjonaj - mjaft bukur i eshte bashkengjitur me kroniken televiziveedhe telekronisti profesionist Ilir Ikonomi - i cili sjell para teleshikuesit shqiptar brenda dhe jashte vendit nje stile te vecante te kronikave.Kjo eshte nje pamje qe e shohim ne cdo fushat zgjedhore ketu ne SHBA ne televizionte me prestigjoze amerikane- kur zgjidhen dhe bejne betimin senatore e kongresmen Amerikan - Urime dhe suksese zotit Gjonaj dhe urime e suksese gazetarit te Zerit te Amerikes z. Ilir Ikonomiqe ka realizuar kete telekronike mjaft emocionuese .....


nga: Anonim
17.01.2013 02:09
SHUME MIRE BETE


nga: Petrit
16.01.2013 09:53
MARK GJONAJ TE UROJ SUKSESE NE PUNE DHE NE JETE.
DITA E BETIMIT TUJA TE JETE NJE DITE SHPRESE E PROGRESI PER KOMUNITETIN TUJA.
UDHE TE MBARE MARK GJONAJ,BESIMI QE TE DHA KOMUNITETI, TE JETE NJE PISHTARE NE DUART TUAJA PER ME TE MIREN E MUNDESHME NJEREZORE.


nga: ROLAND DURDA nga: ALBANIA-TIRANA
16.01.2013 09:18
MARK GJONAJ YOU ARE THE BEST FOR ALL PEOPLE IN NJU JORK.


nga: Vladimiri nga: Shqiperi
16.01.2013 08:56
Urime z. Mark Gjonaj, ulqinakut qe preku endrren amerikane! Le te jete ky nje eveniment qe do te ndiqet nga te tjere Shqiptare te suksesshem ne Amerike. Urime!


nga: Anonim
15.01.2013 20:17
URIME MARK GJONAJ PER ZGJEDHJEN NE KETE POST POLITIK..SUKSESE NE PUNEN TUAJ..

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

LAJME

Një vaksinë e efektshme për Ebolën

Studiuesit thonë se një vaksinë eksperimentale për Ebolën ka rezultuar “jashtëzakonisht e efektshme” për parandalimin e sëmundjes vdekjeprurëse
Më tepër

Komandanti i NATO-s: Rusia rreziku më i madh global

Gjenerali Breedlove flet për kërcënimet me të cilat përballet Aleanca dhe përshtatjen e strategjisë së saj për të ardhmen
Më tepër

Dekriminalizimi, opozita me platformën e saj

PD, Bylykbashi: Ndryshime kushtetuese dhe ligjore për ndërprerjen e menjëhershme të mandateve të deputetëve dhe zyrtarëve me të shkuar kriminale‎ dhe ndalimin e zgjedhjes apo emërimit të këtyre personave në të ardhmen
Më tepër

Një prokuror i posaçëm për Maqedoninë

Në bazë të marrëveshjes për zgjidhjen e krizës politike në Maqedoni, të gjitha palët janë pajtuar që vendi të ketë një prokuror të posaçëm
Më tepër

Los Anxhelos, Lojërat Speciale Olimpike

Lojrat Speciale Olimpike nxisin përfshirjen në shoqëri të personave me aftësi të kufizuara
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • A general view shows a "smiling" sunflower in a field in Tokyo, Japan.
  • UNHCR special envoy Angelina Jolie Pitt (C) shakes hand with Kachin ethnic refugees as she visits Jam Mai Kaung IDP camp in Myitkyina capital city of Kachin state, Myanmar.
  • SoftBank Group representative Masayoshi Son and humanoid robot Pepper deliver a presentation at the SoftBank World 2015 in Tokyo, Japan.
  • A Belgian dairy farmer pours milk from a truck during a protest against low milk prices at the milk processing factory Corman in Bethane near Liege.
  • Pakistani girls cry during an operation to tear down a poverty-stricken neighborhood where Afghan refugees and Pakistani tribal people live in Islamabad.
  • Indonesian Navy cadet graduates celebrate after a ceremony in Semarang, Central Java, in this photo taken by Antara Foto.
  • A dog and its owner, who are street performers, rest after the show on Oslo's main street Karl Johan, Norway, July 23, 2015. (Photo taken by Maung Maung Myint)
  • People disarm an Orthodox Jewish assailant shortly after he stabbed participants at the annual Gay Pride parade in Jerusalem. Six participants were wounded during the march, police said.
  • An Indian boy dressed as Hindu god Shiva to attract alms from devotees chats with tourists as they sit on benches partially submerged in flood waters on the banks of the River Ganges in Allahabad.
  • Four white lion cubs, born two weeks ago, are seen in a basket at the Taigan Safari Park, in Belogorsk, about 50 km (31 miles) east of Simferopol, Crimea, July 29, 2015.
  • Africa and Europe are seen in this image taken by a NASA camera on the Deep Space Climate Observatory (DSCOVR) satellite.
  • A view shows the settlements of Larung Gar Buddhist Academy in Sertar County of Garze Tibetan Autonomous Prefecture, Sichuan province, China.
  • A man jokes next to the wax figure of Albert Einstein at Grevin Wax Museum in central Seoul, South Korea.
  • Piper Hoppe, 10, from Minnetonka, Minnesota, holds a sign at the doorway of River Bluff Dental clinic in protest against the killing of a famous lion in Zimbabwe, in Bloomington, Minnesota, July 29, 2015. A Zimbabwean court charged a professional local hunter Theo Bronkhorst with failing to prevent an American from unlawfully killing 'Cecil', the southern African country's best-known lion. The American, Walter James Palmer, a Minnesota dentist who paid $50,000 to kill the lion, has left Zimbabwe.
  • A row of coffee vendors trailers in the form of pink snails, block the entrance to the city hall and the office of the major Vitalii Klitschko in Kyiv, Ukraine, during a protest against recent legislation deemed harmful to the trade and livelihood of street vendors.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.