Në qytetin e Shkodrës u përkujtua 25 vjetori i hapjes së shtëpisë së Motrave të Nënë Terezës, qendër ku trajtohen fëmijë me probleme të rënda shëndetësore, nga zona veriore e Shqipërisë, pjesa më e madhe e të cilëve të braktisur. Kjo shtëpi u hap nën kujdesin e drejtpërdrejtë të Nënë Terezës, e cila 25 vjet më parë ishte në qytetin e Shkodrës, duke ngritur të parën shtëpi të motrave të saj në Shqipërinë paskomuniste.
