Paketë e re ndihmash për 17 vende të Evropës Juglindore
Ato janë Shqipëria, Bosnja, Bullgaria, Republika Çeke, Kroacia, Estonia, Maqedonia, Hungaria, Kosova, Letonia, Lituania, Mali i Zi, Polonia, Rumania, Serbia, Sllovakia dhe Sllovenia
Tri banka për zhvillim ndërkombëtar do të mbështesin me një paketë të re ndihmash vendet e Evropës Juglindore, në përgjigje të problemeve që ka shkaktuar kriza e vendeve të Eurozonës.
Banka Botërore, Banka Evropiane e Investimeve dhe Banka Evropiane për Rindërtim dhe Zhvillim thanë sot se do të lëvrojnë një paketë prej më shumë se 38 miliardë dollarësh për vendet në zhvillim, në mbështetje të projekteve ndërtimore dhe investimeve në korporata. Kredi-dhënësit thanë se ndihma që do të jepet vitin e ardhshëm dhe në 2014 është një “përgjigje direkte” ndaj vështirësive që kanë shkaktuar problemet ekonomike të Eurozonës.
17 vendet që do të marrin ndihmë janë Shqipëria, Bosnja, Bullgaria, Republika Çeke, Kroacia, Estonia, Maqedonia, Hungaria, Kosova, Letonia, Lituania, Mali i Zi, Polonia, Rumania, Serbia, Sllovakia dhe Sllovenia.