E hënë, 27 prill, 2015

Lajme / SHBA

Debate mbi kontraceptivët për adoleshentet

x
Carolyn Weaver
Mbi 7 mijë vajza në qytetin e Nju Jorkut mbeten shtatzënë çdo vit para moshës 17 vjeçare. Afro dy të tretat e tyre abortojnë. Tani, disa shkolla të mesme të Nju Jorkut po zgjerojnë një program për kontraceptivë edhe për nxënës 14 vjeçarë që e kërkojnë një gjë të tillë. Për shkak të moshës së re, ky vendim është bërë i debatueshëm për disa prindër.
 
Çdo vit në Nju Jork, mbi 2 mijë e 500 vajza nën moshën 18 vjeçare lindin fëmijë dhe shumë prej tyre lënë shkollën. Kështu zyrtarët filluan vitin e kaluar një program që i vë në dispoizicion kontraceptivët hormonalë në 13 shkolla të mesme me përqindje të lartë shtatzanie.

Prezervativët janë shpërndarë prej kohësh, por tani vajzat mund të kërkojnë kontraceptivë me shiringa, ose Plan B, një kontraceptiv që merret pas marrëdhënieve seksuale të pambrojtura. Kryetari i Bashkisë Michael Bloomberg thotë se programi është i nevojshëm.

“Ana pozitive është që e kemi ulur rreth 25 për qind shtatzaninë mes adoleshenteve në 10 vitet e fundit. Ana negative është se akoma ka plot vajza që mbeten shtatzënë në moshë të re”.

Michele Handelman është mami dhe nënë e dy nxënësve të shkollës së mesme. Ajo thotë se ligji i Nju Jorkut u jep adoleshentëve të drejtën të marrin kontraceptivë dhe të abortojnë pa njoftuar prindërit.

“Ata kanë të drejtën të marrin kujdes shëndetësor falas dhe në mirëbesim për të parandaluar infektimet, të bëjnë analiza për HIV-in dhe të mbrojnë veten nga shtatzania”.

Prindërit kanë të drejtën t’i nxjerrin fëmijët e tyre nga programi. Por Mona Davids, kryetare e Bashkimit të Prindërve të Nju Jorkut tha se shumë prindër nuk janë informuar.

“Nuk është e drejtë që kryetari i bashkisë Bloomberg dhe Departamenti i Arsimit të anashkalojë të drejtat tona dhe të lejojë fëmijët tanë të marrin një kombinim kimik-hormonal ilaçesh pa miratimin tonë”.

Ajo thotë se shkollat nuk mund të japin ilaçe të tjera, as aspirinë madje pas lejen e prindit dhe se efektet afatgjata të kontraceptivëve hormonalë janë të panjohura.
Por zonja Handelman thotë se këta kontraceptivë nuk janë të rrezikshëm.

“Nuk kanë estrogjen, një përbërës që mund të shkaktojë mpirje të gjakut, kështuqë nuk përbëjnë asnjë rrezik përsa u takon efekteve anësore. Pa diskutim që shtatzania është rrezik më i madh”.

Para një shkolle të mesme në Manhattan, nxënëset kishin mendime të ndryshme.

“Unë personalisht nuk do doja që prindërit ta merrnin vesh”.

“Unë mendoj se duhet t’u themi prindërve se ne nuk jemi plotësisht të zhvilluar”.

“Prindërit duhet të lejojnë vajzat e tyre që të bëjnë këtë gjilpërë sepse jeta e tyre do të shkatërrohej po të kishin një fëmijë në moshën 16 vjeçare”.


Mona Davids gjithsesi thotë se ka një mënyrë më të mirë për të parandaluar shtatzaninë.

“Nëse kryetarit të Bashkisë Bloomberg i intereson vërtet të frenojë shtatzaninë mes adoleshentëve, ai duhet të investojë në shkollat tona, të shtojë buxhetin për to, që ata të kenë programe pas shkollore dhe aktivitete jashtë shkollore”.

Zonja Davids thotë se organizata e saj ka në plan të paraqesë aktpadi për të drejtën e lejes së prindit.
Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
26.04.2015
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

LAJME

Përsëri dhunë në Ukrainë

Përplasje mes ushtrisë dhe seperatistëve
Më tepër

Hong Kong: Rriten çmimet e shtëpive

Hong Kongu është ndër tregjet më të shtrenjta në botë të pasurisë së patundshme
Më tepër

Amerika dhe marrëveshjet tregtare

Intensifikohet debati për dy marrëveshje të rëndësishme tregëtare
Më tepër

Vullnetarizmi në Tiranë sipas përvojës amerikane

Organizata American Corps po bashkëpunon me shoqatat vendase
Më tepër

Çështja e emërtimit të rrugëve në Ulqin

Gjykata kushtetuese anulon emërtimet në frymën kulturore, historike dhe kombëtare të qytetit dhe banorëve që jetojnë aty
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Demonstrators protest in the streets as they march for Freddie Gray to Baltimore's City Hall, in Baltimore, April 25, 2015.
  • Police attempt to block marchers as they block Pratt Street after a march to City Hall for Freddie Gray, in Baltimore, April 25, 2015.
  • Police detain a man after a march to City Hall for Freddie Gray, in Baltimore, April 25, 2015.
  • Demonstrators confront law enforcement officers near Baltimore Police Department Western District to protest against the death of Freddie Gray in police custody, in Baltimore, April 25, 2015.
  • Protesters jump on a police car at a rally to protest the death of Freddie Gray who died following an arrest in Baltimore, April 25, 2015.
  • A man is kicked as he attempts to get up after being knocked down, following a march to City Hall for Freddie Gray, in Baltimore, April 25, 2015.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.