E dielë, 14 shkurt, 2016

    Lajme / SHBA

    Si mund të jetë mandati i dytë i presidentit Obama

    Historia tregon se presidentët përballen me më shumë sfida në mandatin e tyre të dytë

    x
    Jim Malone
    Presidenti Barak Obama po përgatitet për mandatin e tij të dytë pas fitores në zgjedhjet e 6 nëntorit. Por siç njofton korrespondenti i Zërit të Amerikës për çështjet kombëtare,  mandatet e dyta nuk kanë qënë gjithnjë të kënaqshme për presidentët amerikanë.
     
     Mes thirrjeve “edhe katër vjet”, Presidenti Obama i përshëndeti kështu simpatizantët natën e zgjedhjeve.

    “Nëse meritova votën tuaj apo jo, unë ju dëgjova, kam mësuar prej jush dhe ju më keni bërë një president më të mirë. Kthehem në Shtëpinë e Bardhë më i vendosur dhe më i frymëzuar se kurrë më parë rreth punës që duhet bërë dhe të ardhmes që na pret”.

    Republikanët po i përshtaten tashmë realitetit të një mandatit të dytë të presidentit Obama, mes tyre edhe Kryetari i Dhomës së Përfaqësuesve, John Boehner.

    “Zoti President, ky është momenti juaj. Ne jemi gati të udhëhiqemi jo si demokratë ose si republikanë, por si amerikanë”.

    Por nëse historia do të shërbente si udhëzues, zoti Obama mund të përballet me një mandat të dytë me më shumë sfida se sa i pari, thotë shefi i personelit të Shtëpisë së Bardhë në administratën Reagan, Ken Duberstein.

    “Historia e presidentëve në mandatin e dytë që prej luftës së dytë botërore ka treguar se në mënyrë të pashmangshme, vemendja e këtyre presidentëve shpërqëndrohet nga çështjet e rëndësishme në vitin e pestë ose të gjashtë në një farë mënyre apo një tjetër për shkak të një skandali, të një vështirësie, të një gabimi, që me kalimin e kohës përshkallëzohet”.

    Richard Nixon fitoi ndjeshëm mandatin e dytë në vitin 1972, por u detyrua të jepte dorëheqjen për shkak të skandalit Watergate, pas më pak se 2 vjetësh.
    Emri i Ronald Reaganit u dëmtua për shkak të skandalit Iran-Kontra, dhe për Bill Klintonin Kongresi filloi procedurat e shkarkimit për shkak të marrëdhënieve të tij me Monica Lewinsky-in.
    George W. Bush u kritikua ashpër për mënyrën se si i trajtoi pasojat e Uraganit Katrina.

    Presidenti Obama thotë se është mëse i vetëdijshëm rreth asaj që disa historianë e quajnë ‘mallkim i mandatit të dytë’.

    “Nuk supozoj se meqë fitova zgjedhjet çdo njeri papritur është dakord me mua për çdo gjë. E njoh më së miri historinë e mandatit të dytë të presidentëve, që janë përpjekur të bëjnë shumë dhe ne do të jemi të kujdesshëm në këtë drejtim”.

    Një qëndrim ky i mënçur, thotë historiani i Universitetit të Kalifornisë, Matthew Dallek.

    “Ai është shumë i ndërgjegjshëm rreth këtij aspekti dhe ai po jep shenja se dëshiron të jetë pragmatik dhe nuk po kërkon të arrijë çdo gjë, madje gjëra të paarritshme. Zoti Obama ka lënë të kuptohet se ai do të punojë në fusha, ku ai mendon se mund të arrihet rezultat”.

    Është gjithashtu e rëndësishme për presidentin që të kriojojë marrëdhënie të mira, thotë ish këshilltari i presidentit Reagan, Ken Duberstein.

    “Gjatë incidentit Iran-Kontra, njerzit donin ta besonin Presidentin Reagan. Ai kishte krijuar përshtypje të shumta të vullnetit të mirë. Deri tani, Presidenti Obama nuk ka krijuar marrëdhënie të tilla të forta. Kjo është diçka që atij i duhet medoemos të bëjë diçka që në muajt e parë të mandatit të dytë”.

    Dhe për momentin, presidenti i sapo zgjedhur e hedh vështrimin nga e ardhmja, ndërsa ka parasysh gabimet e paraardhësve të tij.

    Ky forum është mbyllur
    Përzgjedhja e komenteve
    Komente
         
    nga: Petrit
    22.11.2012 12:20
    Presidentit Obama i uroj suksese te njepasnjeshme per me te miren e mundeshme per amerikanet.Zoti e bekofte SHBA-ne dhe Presidentin Obama per me te miren e mundeshme per amerikanet dhe te gjithe popujt qe kerkojne e sakrifikojne per lirine,demokracine e Paqen ne Bote.Amen

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    13.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Vdes Scalia, anëtar i Gjykatës së Lartë të SHBA

    Antonin Scalia, 79 vjeç, vdiq nga shkaqe natyrore në Cibolo Creek Ranch, një vendpushim i Teksasit
    Më tepër

    SHBA përforcon mbështetjen për Evropën

    Sekretari amerikan i Shtetit, John Kerry, tha se SHBA ka një “interes të thellë” në fuqizimin e Evropës përballë tensioneve të reja me Rusinë dhe fluksit të papreçedent të refugjatëve
    Më tepër

    Ndikimi rus në Ballkan

    Vëzhguesit thonë se propaganda, organizatat dhe shoqatat kulturore ruse kanë shtuar praninë në Serbi, Mal të Zi, Shqipëri dhe Maqedoni
    Më tepër

    SHBA, kurset e trajnimit dhe tregu i punës

    Një qendër trajnimi në Merilend, u mëson studentëve profesione që i ndihmojnë të gjejnë vende pune
    Më tepër

    Aktoret e reja për çmimin Oskar

    Aktoret e nominuara për çmimin Oskar janë të moshës së re, të talentuara dhe konkurruese
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.