Pas përfundimit të zgjedhjeve presidenciale, presidenti Barack Obama po e kthen vëmendjen tek negociatat me kongresin për një marrëveshje për të zgjidhur problemin e borxhit masiv të vendit.
Shtëpia e Bardhë tha se zoti Obama mori në telefon kryetarin e Dhomës së Përfaqësuesve John Boehner dje, ditën pas fitores zgjedhore për të filluar diskutimet për një marrëveshje që do të mënjanonte pakësimin automatic të buxhetit dhe rritjen a taksave në fund të vitit.
Ekonomistët paralajmërojnë se paketa, e cilësuar si katastrofa fiskale, mund ta çojë ekonominë amerikane përsëri në recesion.
Presidenti po kërkon të ardhura të reja, duke kërkuar nga amerikanët më të pasur të paguajnë më shumë taksa mbi të ardhurat, diçka që kundërshtohet me forcë nga republikanët.
Por kryetari i Dhomës së Përfaqësuesve u tha gazetarëve të mërkurën se nuk është kundër gjetjes së një mënyre për më shumë të ardhura nga qeveria, për aq kohë sa ato përfshijnë ndryshime në programe të tilla si sigurimet shoqërore dhe sigurimet shëndetësore për të moshuarit.
