Sekretari amerikan i Mbrojtjes Leon Panetta tha se seria e fundit e problemeve etike që përfshin komandantë të lartë nuk është shenjë e problemeve sistematike në ushtri.
Në një intervistë ekskluzive me korrespondentin e Zërit të Amerikës në Pentagon Luis Ramirez sot, zoti Panetta thotë se ushtria ka nevojë të rivlerësojë trajnimin etik.
"Ne po dalim nga dhjetë vjetë luftë dhe mendoj se është shumë e rëndësishme të fillojmë të shohim përsëri se si të sigurojmë standartet më të larta etike,” tha zoti Panetta.