Parlamenti i Kosovës pritet të mblidhet në seancën e radhës me 30 nëntor, ndonëse opozita tashmë dy muaj nuk lejon punën e tij në shenjë kundërshtimi ndaj marrëveshjeve me Serbinë dhe asaj për shënimin e kufirit me Malin e Zi.
Partitë në pushtet i bënë thirrje opozitës kërkojë zgjidhje në dialog. Partitë opozitare i dorëzuan sot presidentes së Kosovës Atifete Jahjaga një peticion me 200 mijë nënshkrime kundër marrëveshjeve, ndërsa po përgatiten për një manifestim kundër tyre të shtunën më 28 nëntor kur shqiptarët kremtojnë ditën e flamurit kombëtar.
