Thirrje që Presidenti Putin t’i vejë veton ligjit për birësimin e fëmijëve rusë
Drejtori i organizatës “Të Drejtat e Fëmijëve”, Boris Altshuler i bëri komentet sot, duke e quajtur ligjin 'të tmerrshëm'
Kreu i një organizate për mbrojtjen e fëmijëve thotë se do ta këshillonte Presidentin Vladimir Putin që t’i vinte “veton” një ligji që ai e quajti të tmerrshëm, që ndalon adoptimin e fëmijëve rusë nga amerikanët.
Drejtori i organizatës “Të Drejtat e Fëmijëve”, Boris Altshuler i bëri komentet sot, një ditë pasi dhoma e lartë e parlamentit rus miratoi një ligj që do të ndalonte këto adoptime dhe ia dërgoi atë Presidentit Putin për ta nënshkruar.
Kjo masë shihet si një hakmarrje nga ana e Rusisë kundër miratimit nga ana e Shteteve të Bashkuara të ligjit Magnitsky, nënshkruar nga Presidenti Barack Obama, që parashikon ndalimin e vizave dhe sanksione financiare ndaj zyrtarëve rusë të akuzuar për shkelje të të drejtave të njeriut.