E premte, 27 shkurt, 2015

Lajme / Ballkani

Tensione në prag të takimit Thaçi-Daçiç

x
Leonat Shehu
Javën e ardhshme Kosova dhe Serbia pritet të vazhdojnë raundin e ri të bisedimeve për normalizimin e marrëdhënieve ndërmjet tyre. Por, përgatitjet për këtë raund bisedimesh po ndodhin në një situatë tensionesh politike. Kryeministri serb Ivica Daçiç, paralajmëroi mundësinë që të mos shfaqet në takimin e radhës me kryeministrin e Kosovës, Hashim Thaçi, nëse shqiptarët në Luginën e Preshevës nuk largojnë nga qendra e atij qyteti një pllakë përkujtimore kushtuar kryengritësve të Ushtrisë Çlirimtare të Preshevës, Medvegjës e Bujanocit.

Zëvendëskryeministri i Kosovës Hajredin Kuçi tha sot se Prishtina dëshiron që të ketë qëndrueshmëri në Luginën e Preshevës, por nuk mund të ketë partneritet në kurriz të shqiptarëve.

Ne i ftojmë shqiptarët e Luginës së Preshevës të forcojnë identitetin kombëtar, t'i realizojnë të drejtat e tyre politike, kombëtare. Natyrisht që do ta kenë mbështetjen tonë të plotë dhe këto t'i bëjnë në mënyrë demokratike. E ftojmë Serbinë që të ketë kujdes në raport me shqiptarët atje, nuk ka partneritet me Kosovën në kurriz të shqiptarëve në Preshevë, Medvegjë e Bujanoc. Nuk ka stabilitet të rajonit duke i dëmtuar një pjesë të shqiptarëve dhe po ashtu dua të them jo për me marr me kërcënim në raport me Serbinë, por Serbia duhet të ketë parasysh që atje ka të bëjë me një pjesë të shqiptarëve, jo me një popull që është jetim”, tha zëvendëskryeministri Kuçi.

Zyrtarët serbë ndërkaq kanë shprehur pakënaqësinë e tyre edhe me arrestimin e nëntë pjesëtarëve të komunitetit serb të hënën në Gracanicë, nga ana e policisë së Kosovës. Të gjithë atyre u është shqiptuar masa e ndalimit 48 orësh. Sipas policisë “personat e dyshuar janë ndaluar pasi që gjatë përcjelljes së shefit të zyrës serbe për Kosovën, Aleksandër Vulin, që ishte përgjegjësi e Policisë së Kosovës kishin sjellje dhe veprime të dyshimta dhe veshje të njëjtë të të gjithë personave prandaj  për shkak të sigurisë së personalitetit policia i ka ndaluar dhe shoqëruar në stacion policor. Personat e ndaluar gjatë gjithë kohës me dy vetura private kanë përcjellë  autokolonën e zotit Vulin dhe kanë kryer veprime të dyshimta për policinë e Kosovës”, thuhet në njoftim.

Shefi u zyrës serbe tha se një veprim i tillë që ai e cilësoi si të padrejtë, mund të dëmtojë edhe procesin e bisedimeve. Beogradi kritikoi edhe bashkësinë ndërkombëtare që nuk arriti të sigurojë leje për presidentin e Serbisë Tomislav Nikoliç që të qëndrojë në Kosovë gjatë kremtimeve me rastin e Krishtlindjeve ortodokse.
Prishtina zyrtare angazhohet ndërkaq për, siç thuhet, qasje të ndërsjellë me Serbinë.

Ne nuk jemi ata të cilët kërkojmë të dominojmë mbi të tjerët, por edhe koha e dominimit e tjerëve mbi ne ka përfunduar. Normalizimi nënkupton reciprocitet, reciprociteti nënkupton që të jemi të barabartë. Ne asgjë më shumë nuk kërkojmë vetëm një trajtim të barabartë në mes dy shteteve dhe kombeve tona. Reflektimi i raporteve Kosovë - Serbi reflekton shumë edhe në raportet shqiptaro - serbe. Unë jam i bindur që ne kemi vullnet, bashkësia ndërkombëtare ka vullnet në këtë rast Bashkimi Evropian dhe Shtetet e Bashkuara të Amerikës që t'i zgjedhim problemet, t'i normalizojmë raportet. të sjellim paqe për ne dhe për të tjerët dhe të integrohemi në Bashkimin Evropian. Kjo është rruga jonë dhe nuk do të ndalemi prej kësaj rruge”, tha zëvendëskryeministri i Kosovës, Hajredin Kuçi.

Beogradi synon që në takimin e radhës të paraqesë një dokument për Kosovën me të cilin siç thuhet do të kërkohet një shkallë e lartë e autonomisë për zonat e banuara me shumicë serbe në Kosovë. Ideja është hedhur poshtë nga Prishtina, e cila zgjidhjen e situatës në veriun e Kosovës e sheh në kuadër të planit të kryenegociatorit të Kombeve të Bashkuara Martti Ahtisaari, në bazë të të cilit edhe është shpallur pavarësia e Kosovës, e cila vazhdon të kundërshtohet nga Beogradi.
Ky forum është mbyllur
Përzgjedhja e komenteve
Komente
     
nga: Anonim
09.01.2013 13:49
Dialogu Dacic me Thacin nuk eshte produktive sepse nuk po jep rezultate te duhura megjithe perkushtimin e zonjes Ashton sepse Serbia eshte mentalitetin e nacionalizmin te semure te Miloshevicit dhe nuk njeh Pavaresine e Kosoves,lideret serbe e kuptojne realitetin aktual dhe jane per njohjen e Pavaresise te Kosoves dhe kjo karte eshte e zhdukur por nacionalizmi i semure dhe krimi i organizuare serb i kercenon keta lidere serbe dhe jane vasale te krimit te organizuare eshte kohe historike qe Serbia dhe Shqiperia te gjejne gjuhen e perbashket duke perfunduar kete mision historik etnik duke bere referendum per bashkim Kosove,Presheve me Shqiperine..duhet te bere nje takim me lideret Shqiperi,Bullgari,Serbi.Greqi dhe Kroaci ne prani te BE,SHBA DHE RUSISE PER REGULLIMIN ETNIK TE KUFINJEVE TE BALLKANIT DHE PRISHJA TRE SHTETEVE ARTIFICIALE MAQEDONI.MALI I ZI DHE BOSNJA..DHE ZGJIDHJA E KARAHINES TE VOJVODINES MIDIS HUNGARISE DHE SERBISE..


nga: Petro Jashari nga: U S A
09.01.2013 01:25
Do te jete mire qe Dacici edhe udheheqesit e Serbise te sotme te largoen e distancohen nga koha e erret e terrorizmit shteteror te Sllobodan Milloshevicit.Nje pllakate e cila perkujton te renet e luftes kunder terrorizmit s'ka pse te hiqet e faktikisht nuk ka te beje me Serbine e sotme e cila eshte kandidate e Bashkimit Evropjan por me te djeshmen e. erret te cilen e denoj bota mbare.Pakicat autoktone drejt ketij bashkimi nuk mund te konsiderohen me ceshtje te brendeshme e vetegjyqesije ne shtetet ku jetojne, ato jane nyje lidhese ne Evropen e bashkuar.Mbi kete motiv eshe detyrim i Bashkimit Evropjan ti diktoje sa me pare Serbise largimin e paramilitareve nga veriu i Kosoves e jo te joshet ne vazhden e vetegjyqesive pa mbarim te saj.


nga: Musa Alihajdaraj nga: Gjermanija
09.01.2013 00:13
Dialogu ka deshtuar dhe nuk ka kushte substanc te vazhdoj.Serbija nuk ka interes per dialog por ndjek qellimin e saj pushtimin e Kosoves.Serbija kerkon zgjedhjen e statusit te Kosoves dhe nji status te veqant per serbet e Kosoves.Serbija ka strukturat e saj paralele ne Kosove nji ministri per Kosoven dhe kjo asht apsurde ilegale dhe nderhyrje flagrate ne punet e mbredshme dhe te jashtme te Kosoves.Bashkimi Europjan dhe Ashton nuk kan alternativ politike per Kosoven por kerkojn zgjedhje nga Beogradi per Kosoven duke mos kerkuar njohjen e Kosoves nga Beogradi dhe vete Brukseli sillet me Kosoven si Beogradi.Brukseli nuk njeh Repuliken e Kosoves e ka izoluar Kosoven ne nji burg te Europes.Dhe deklaratat e Thaqit jane te pa verrteta Europa nuk e mbeshtet Kosoven por perkrah Beogradin gjenocidin serbe.Kjo politik e Brukselit asht zynizem deshiron te degradoj pamvaresin e Kosoves dhe te bej te mundur triumfin e Serbis.Thaqi duhet ti pranoj gabimet te bera nga diktati ne Bruksel dhe te shpetoj pamvaresin sovranitetin dhe intergritetin e Kosoves.Dialog i cili asht ber per permisimin e mardhanjeve ne mes te Kosoves dhe Serbis ka humbur kuptimin nuk ka substanc te vazhdoj ku preket pamvaresija statusi sovraniteti i Kosoves.Edhe Bashkimi Europjan dhe Serbija duhet te sillen me Kosoven si AMERIKA:Pa njohjen e Kosoves nga Serbija dhe ky asht problem i Serbis nuk ka substanc kushte per dialog.Vazhdimi i dialogut asht i rrezikshem per Kosoven dhe Kosova nuk asht e detyruar te bej nji dialog te diktatit nga Beogradi ne interes te Serbis.Thaqi duhet te kerkoj nga Ashton njohjen e Kosoves nga Bashkimi Europjan.Asht detyr e zojnes Ashton te kerkoj njohjen e Kosoves nga Bashkimi Europjan dhe kjo do ta benete sovrane zonjen Ashton dhe do te kishte perkrahje te fuqishme.Ashton nuk ka vullnet te ndihmoj Kosoven nuk ka kompetenz dhe si shtetas Europjan ajo nuk ka fuqi moral politik dhe diplomatik te udhheq Bashkimin Europjan i mungon kopmeteca dhe guzimi.Thaqi nuk duhet ti besoj zonjes Ashton te ciles ja dorzoj Repuliken dhe tani Thaqi do te dorzoj edhe pamvaresin.Jo dialog me Serbin derisa Serbija ta njoh Repuliken e Kosoves dhe te shuaj strukturat e saj ilegale ne Kosove.Me qeverin qe e ka sot Serbija nuk mundet te bisedohet.Dialogu sjell luften.Politik reale.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

LAJME

Clapper: furnizimi i Ukrainës me armë do të provokonte Putinin

Por zyrtari më i lartë i zbulimit amerikan tha se ai personalisht do të ishte pro furnizimit të Ukrainës me armë mbrojtëse
Më tepër

Interpoli kërkon 17 serbë të dyshuar për krime lufte në Kosovë

Autoritetet serbe reaguan pas njoftimeve se në policinë ndërkombëtare janë ngritur urdhër arreste për 17 të dyshuar për krime lufte, në mesin e tyre një deputet serb
Më tepër

NASA, 5 misione për studimin e Tokës

NASA thotë se ato do të analizojnë gjendjen e sistemeve vitale që mbështesin jetën në tokë dhe reagimin e tyre ndaj ngrohjes së planetit
Më tepër

Gratë jazidi flasin mbi rrëmbimet e ISIS-it

Mijëra vajza dhe gra të komunitetit jazidi në Irak janë rrëmbyer nga luftëtarët e Shtetit Islamik
Më tepër

Gjykata pezullon testimin e infermierëve

Debate në parlament për reformat në shëndetësi dhe urdhërat për të marrë në provime mjekët dhe infermierët
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • An American Robin, known for its warm orange breast and cheery singing, sits in a tree as snow falls in Fairfax, Virginia. (Diaa Bekheet/VOA)
  • Singer Madonna falls during her performance at the BRIT music awards at the O2 Arena in Greenwich, London, Feb. 25, 2015.
  • British singer-songwriter Ed Sheeran poses with his British album of the year award for 'X' and his male solo artist award at the BRIT Awards 2015 in London, Feb. 25, 2015.
  • Norwegian supporters follow the Nordic Combined ski jumping competition in the ski stadium of the 2015 FIS Nordic World Ski Championships in Falun, Sweden.
  • Passengers travel on an overcrowded train on the outskirts of New Delhi, India.
  • Students are protesting changes in the system of university degrees on the second of a two-day strike in Madrid, Spain.
  • Men inspect the damage at a site hit by what activists said were two barrel bombs dropped by forces loyal to Syria's President Bashar al-Assad in Aleppo's al-Shaar neighborhood.
  • Pakistani villagers prepare cow dung cakes in the suburbs of Islamabad. Cow dung cakes are popularly used as fuel for cooking in rural areas a major source of domestic fuel for households as an alternative to firewood.
  • An elderly woman drags a cart with her belongings on the outskirts of Debaltseve. After weeks of relentless fighting the embattled Ukrainian rail hub of Debaltseve fell last week to Russia-backed separatists.
  • Afghan men push a car which became stuck near an avalanche site in Panjshir province north of Kabul, Feb. 25, 2015.
  • A fisherman casts his line as birds fly over the Sao Conrado beach in Rio de Janeiro, Brazil.
  • A man holds firecrackers during the opening of a wholesale market in Harbin, Heilongjiang province, China.
  • A supporter of Bangladesh's World Cup cricket team shouts in the crowd during the Cricket World Cup match between Bangladesh and Sri Lanka at the MCG in Melbourne, Australia.

Interaktive