E hënë, 15 shkurt, 2016

    Lajme / SHBA

    Bojner: Negociatat për borxhin pa rezultat

    x
    Vazhdon konfrontimi  mes administratës Obama dhe republikanëve në Kongres për një plan për  uljen e deficitit për të parandaluar ngritjen automatike të taksave dhe shkurtimin e shpenzimeve federale që do të hynë në fuqi më 1 janar. Korrespondenti i Zërit të Amerikës, Majkëll Bouman, njofton nga Uashingtoni se askush nuk jep garanci se mund të arrihet në marrëveshje para skadimit të afatit para fundit të vitit.

    Tani që kanë mbetur vetëm katër javë nga ky regjim shtrëngues që mund të godasë ekonominë delikate amerikane, kryetari i Dhomës së Përfaqësuesve të Kongresit amerikan, Xhan Bojner, pranoi se Shtetet e Bashkuara mund t’i shpëtojnë në fakt “katastrofës fiskale”.

    "Ekziston një shans i mirë. Unë jam i vendosur të zgjidh problemin e borxhit tonë”.

    Bojner foli në programin televiziv Fox News Sunday.  Në të njejtin program, sekretari i Thesarit, Timothi Gajtner, u pyet nëse ai do të garantonte një marrëveshje para 1 janarit.

    "Jo, nuk mund ta premtoj atë. Ai është një vendim në dorë të republikanëve”.

    Javën e kaluar, zoti Gajtner u takua me udhëheqësit e Kongresit për të paraqitur planin e administratës Obama për të shmangur katastrofën fiskale. Propozimi përmand ngritjen e taksave për të pasurit, shtimin e shpenzimeve në infrastrukturë, kompensimeve federale të papunësisë, uljen e kostos së kujdesit shëndetësor për pensionistët, duke shfrytëzuar kursimet nga përfundimi i luftës në Afganistan.

    “Ajo nuk ishte një ofertë serioze”.

    Kryetari Bojner tha se plani i administratës parashikon shkurtime të mëdha taksash dhe jo shkurtime reale shpenzimesh.

    "Presidenti po kërkon të ardhura shtesë prej 1.6 trilionë dollarësh gjatë 10 vjetëve të ardhëshme. Ai parashikon shpenzime stimuluese që i kapërcejnë shkurtimet e reja të taksave që ai është i gatshëm të shqyrtojë. Nëse do t’i jepnim presidentit 1.6 trilionë dollarët që kërkon, çfarë do të bëjë ai me to, do t’i shpenzojë. Kjo është çfarë bën Uashingtoni”.

    Sekretari Gajtner u përgjegj se nëse repulikanët kanë një variant më të mirë, ata duhet

    "Në se republikanët duan të shkojnë përtej këtyre reformave ose t’i bëjnë ato ndryshe, ata duhet të na thonë se si”.

    Gajtner tha se nëse negociatat dështojnë, kjo do të jetë për shkak të intransigjencës së republikanëve.

    "E vetmja arsye është se një grup anëtarësh të Kongresit kanë vendosur ta bllokojnë marrëveshjen pasi duan të shkurtojnë taksat edhe për të pasurit, por kjo është diçka që ne nuk jemi në gjendje ta përballojmë”.

    Republikanët thonë se ajo që po e bllokon marrëveshjen është këmbëngulja e Presidentit Barak Obama për ngritjen e taksave pa u angazhuar për shpenzime të ndjeshme. Kryetari i Dhomës së Përfaqësuesve Bojner tha se negociatat kanë ngecur.
     
    "Tani mund të them se ne nuk jemi asgjëkundi. Pikë, ne nuk jemi asgjëkundi”.
     
    Vetëm një takim i drejtpërdrejtë është zhvilluar deri tani mes Presidentit Obama dhe udhëheqësve të Kongresit që nga zgjedhjet e muajit të kaluar. Shtëpia e Bardhë dhe stafi i Kongresit janë përpjekur të negociojnë për javë me radhë për të ngushtuar divergjencat.
     
    Deficiti federal amerikan i kalon një trilionë dollarët në vit dhe borxhi kombëtar është mbi 16 trilionë dollarë.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    14.02.2016
    Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet. Ju mund të gjeni gjithashtu të rejat e fundit nga mjekësia dhe shkenca, si edhe nga bota e artit.

    LAJME

    Maqedoni: Prokuroria speciale kërkon sërish masën e paraburgimit

    Prokuroria speciale në Maqedoni ka paraqitur ankesë ndaj vendimeve të Gjykatës penale në Shkup për mosmiratimin e kërkesës për paraburgimin e të dyshuarve në rastin “Titanik”.
    Më tepër

    Zyrtari i DASH: Mesazhi i vizitës, reforma dhe lufta kundër korrupsionit

    Një zyrtar i Departamentit të Shtetit foli me gazetarët që shoqëronin Sekretarin John Kerry, gjatë udhëtimit për në Shqipëri
    Më tepër

    Dënimi i krimeve të komunizmit në Kosovë

    Kosova ka pasur disa propozime, për rezoluta dhe për ligjin e lustracionit, por asnjë nuk ka kaluar.
    Më tepër

    Mal i Zi përgatitet për pritjen e refugjatëve nga Siria

    Përgatitje operative për pritjen e mundshme të refugjatëve nga Siria në rast të mbylljes së kufijve nga ana e shteteve të BE-së
    Më tepër

    Studentët shurdhë-memecë të Universitetit Gallaudet

    Shumë studentë të huaj shurdhë-memecë studiojnë në universitetin e vetëm të këtij lloji në botë, univeristetin Gallaudet
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.