E enjte, 18 shtator, 2014

Lajme / SHBA

Sfidat për Kongresin e ri

x
Kongresi i ri amerikan do të përballet së shpejti me një çështje që kishte paralizuar legjislacionin e mëparshëm: borxhi i lartë federal. Por siç njofton korrespondenti i Zërit të Amerikës në Senat, Michael Bowman, Kongresi mbetet i ndarë politikisht dhe aftësia e këtij institucioni për të gjetur gjuhën e përbashkët do të vihet përsëri në provë.
                             
Buzëqeshjet ishin të shumta në ndërtesën e Kapitolit, ndërsa Zëvendës Presidenti Joe Biden drejtoi ceremoninë e betimit të senatorëve të rinj dhe atyre të rizgjedhur.

Pak më parë, gjatë një momenti prekës, zoti Biden shoqëroi brenda në sallë senatorin republikan të Ilinoit Mark Kirk, i cili rikthehej për herë të parë që kur pësoi një goditje në tru vitin e kaluar. Ai u mirëprit edhe nga gazetarët.

Por ceremonitë dhe emocionet e ditës së parë të Kongresit të ri nuk mund të fshehin qëndrimet e ndryshme lidhur me votimet që duhet të zhvillohen këtë javë në të dyja dhomat, për të shmangur rritjet automatike të taksave të parashikuara nga e ashtuquajtura "gremina fiskale."

Vetëm pak çaste pas betimit të senatorëve, udhëheqësi i pakicës republikane Mitch McConnell mori fjalën duke rikthyer vëmendjen tek një nga çështjet kryesore rreth të cilës ata do të duhet të punojnë.

"Brenda pak muajve, Presidenti Obama do të na kërkojë të ngrejmë tavanin e borxhit të vendit. Ne nuk mund pranojmë të rrisim kufirin e huamarrjes pa rënë më parë dakord për reforma që pakësojnë shpenzimet, të cilat janë arsyeja e krijimit të këtij borxhi".

Zoti McConnell e hodhi poshtë kategorikisht mundësinë e propozuar nga presidenti Barak Obama për përfshirjen e rritjes së të ardhurave në paktet mbi reduktimin e deficitit gjatë vitit të ardhshëm. Pra, në ditën e parë të punës së Kongresit të ri, u shpalosën qëndrimet e kundërta të palëve lidhur me çështjen më të ngutshme të vendit.
Edhe senatorët e rinj bënë të qarta pozicionet e tyre të deklaruara më parë. Senatorja demokrate e Masaçusetsit, Elizabeth Warren, zhvilloi fushatë dhe fitoi duke premtuar se do të mbrojë shërbimin e ndihmës sociale amerikane prej shkurtimeve buxhetore.

"Të gjithë të moshuarit, të cilët meritojnë të dalin në pension me sigurinë që e fituan me punën e tyre, i sigurojmë se kujdesi shëndetësor dhe përfitimet e sigurimeve shoqërore për ta do të mbrohen, dhe se milionerët dhe miliarderët do të paguajnë pjesën që u takon."

Senatori republikan Jeff Sessions tha se ligjvënësit e rinj po bëhen pjesë e një legjislature jo të frytshme.

"Me një ritëm shumë të shpejtë, ne kemi bërë disa zgjedhje shumë të gabuara lidhur me mënyrën se si trajtojmë çështjet e popullit. Ky ka qenë Senati më pak i frytshëm në histori."

Megjithatë, ndërsa Kongresi i ri filloi punimet, shumë ligjvënës u përpoqën të nxisnin një ton shpresëdhënës dhe optimist. Senatori republikan Bob Corker shprehu mbështetjen e tij ndaj një propozimi dypartiak që synon të reformojë rregulloren e Senatit, duke kufizuar përdorimin e mocioneve procedurale për të bllokuar legjislacionin. Ai tha se Kongresi ka mundësinë për të qenë më produktiv në shërbim të popullit amerikan.

"Marrja e vendimeve të vështira ndonjëherë krijon dramë. Le të shpresojmë se do të jemi në gjendje të veprojmë më tepër si të rritur dhe t’i marrim këto vendime paraprakisht dhe jo në minutën e fundit."

Senatori demokrat Max Baucus nuk mendon se Kongresi do të arrijë të përmirësojë menjëherë mënyrën e zhvillimit të punës. Por ai shton se, të paktën, bllokimet e legjislacionit nuk mund të përkeqësohen më tepër se kaq.

"Nuk mund të ndodhë gjë tjetër veçse përmirësimit të situatës. Dhe shumë prej nesh këtu do të bëjmë gjithçka mundemi për ta arritur një gjë të tillë."

Senatori Corker, në fjalën e tij, tha gjithashtu se Kongresi i polarizuar politikisht thjesht reflekton elektoratin politikisht të ndarë të Shteteve të Bashkuara.
Ky forum është mbyllur
Komente
     
Në këtë forum nuk ka ende komente. Bëhuni i pari që komentoni

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
17.09.2014
Emisioni televiziv Ditari

LAJME

Australia ndërmerr masa kundër terrorizmit

Kryeministri Tony Abbott thotë se operacioni masiv u ndërmor për shkak të urdhrit të një figure të Shtetit Islamik për të kryer vrasje “demonstrative” në Australi
Më tepër

Sek. Kerry mbron strategjinë kundër ISIS

Sekretari i Shtetit foli në një seancë me pyetje-përgigje me senatorë mbi strategjinë e administratës kundër Shtetit Islamik
Më tepër

Skocezët votojnë në referendum historik

Votuesit vendosin nëse do të shkëputen ose jo nga Britania
Më tepër

Kongresi amerikan mbi strategjinë kundër ISIS

Kongresi amerikan pritet të japë miratimin përfundimtar për një plan për armatosjen e kryengritësve sirianë në luftë kundër ekstremistëve të Shtetit Islamik
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Egyptians walk past a graffiti with modern and Pharaonic motifs on Mohammed Mahmoud Street near Tahrir Square, in downtown Cairo.
  • A man passes by a damaged vehicle on a street covered with mud due to heavy floods in Tekija village, Serbia.
  • A poor Filipino girl holds bread and drinks she received during a feeding program by Dominican nuns in Manila, Philippines.
  • A homeless man sleeps as riot police face off against members of Brazil's Roofless Movement during a protest against their forced eviction from an abandoned building they were occupying, in downtown Sao Paulo, Sept. 16, 2014.
  • Pope Francis waves to nuns at the end of his weekly general audience in St Peter's square at the Vatican.
  • A firefighter battling the King Fire watches as a backfire burns along Highway 50 in Fresh Pond, California, USA, Sept. 16, 2014.
  • Troops hold colored cards during a military parade celebrating Independence Day at the Zocalo square in downtown Mexico City, Sept. 16, 2014.
  • A protester holds a smoke flare during a rally near the Ukrainian parliament in Kyiv, against the law to provide separatist-held regions with a special status.
  • Katy Perry performs on stage at "The Prismatic World Tour" at the Honda Center in Anaheim, California, Sept. 16, 2014.
  • Taiwan Navy's Perry-class frigate fires chaff during the annual Han Kuang military exercises off the east coast of Hualien, central Taiwan.
  • Baltimore Orioles center fielder Adam Jones celebrates with fans after a baseball game against the Toronto Blue Jays in Baltimore, Maryland, USA. Baltimore won 8-2 to clinch the American League East.

Interaktive

Amerika në 60 sekonda

No records found for this widget:806

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.