E premte, 12 shkurt, 2016

    Lajme / Ballkani

    Vetro Energy nuk ka bërë asnjë pagesë

    x

    Në Shqipëri kryeministri Sali Berisha deklaroi se ende konsorciumi Vetro Energy i cili u shpall fitues për blerjen e Albpetrolit nuk ka bërë asnjë pagesë. Zoti Berisha nuk dha shumë hollësi për ecurinë e procesit duke deklaruar se do të zbatohet ligji dhe vetëm ligji. Nga ana e tij kryetari socialist Edi Rama e cilësoi si një privatizim të errët, garën për shtjen e aksioneve të Albpetrolit ndërkohë që sulmoi edhe shitjen e katër hidrocentrale të vegjël javën e shkuar duke u shprehur se më ardhjen në pushtet të socialistëve, ky privatizim do të zhbëhet. Zoti Berisha dhe zoti Rama mbajten dje pasdite njëri pas tjetrit dy konferenca të gjata shtypi

     

    Nënshkrimi i kontratës së shitjes së Albpetrlit ka mbetur pezull që në fillim të dhjetorit. Konsorciumi Vetro Energy i kontrolluar nga sipërmarrësi shqiptar Rezart Taci duhet të bënte pagesën e garancisë prej 20 përqind të ofertës prej 850 milion eurosh që ai dha për për të blerë ndërmarrjen e nxjerrjes së naftës. Ndonëse prej shumë ditësh konsorciumi njoftoi se e kishte bërë këtë pagesë, ende autoritetet shqiptare thonë se nuk është paguar asgjë. Këtë e deklaroi mbrëmë edhe kryeministri Sali Berisha “JO, deri tani, jo. As edhe një gjë”.

     

    Zoti Berisha nuk dha detaje mbi ecurinë e procesit, ndërsa u pyet për këtë nga gazetarët: “Në mënyrë absolute, po ndiqet ligji, ligji dhe vetëm ligji. Ligji ka germën ka dhe frymën, në kupimin që ligji parashikon një muaj të drejtën për zgjatje afati. Dhe ky afat është dhënë, është parashikuar”.

     

    Por edhe ky afat ka më shumë se tre javë që ka kaluar. Por duket se autoritetet janë të gatshme të presin mbërritjen e parave. Këtë la të kuptohet edhe kryeministri: “Kam theksuar dhe e theksoj se, në rast se kjo përfundon me sukses, çdo dollar i tij do kthehet në  mirëqenie për qytetarët shqiptarë”.

     

    Por opozita e cilëson të dyshimtë procesin e ndjekur për Albpetrolin. “U bë një privatizim i errët. U deklamua një shifër e bujshme. Për ne nuk ishte as e besueshme dhe as e bujshme. Megjithatë sot Albpetroli nuk është as i privatizuar dhe as i Shtetit”, tha kryetari socialist Edi Rama.


    Sipas zotit Rama kontratat e koncesionit apo dhe privatizimet në sektorin e hidrokarbureve, si dhe rasti Armo, do të jenë objekt i një hetimi të thellë me ardhjen e socialistëve në pushtet:“Pavarësisht pronësisë së Albpetrolit deri në qershirn e ardhshëm, a do të jetë pronë publike, a do bëhet pronë private përmes këtij privatizimi që duket se është në ngërc, duatë sigurojë shqiptarët se përmes ligjit, ne do të hyjmë aq thellë në aferat e këtij sektori sa do të habitet e gjithë Shqipëria”.

     

    Zoti Rama kundërshtoi edhe privatizimin javën e shkuar të katër hidrocentraleve të vogla Bistrica 1 dhe 2 si dhe hidrocentrali Shkopet dhe Ulëz, duke qenë se sipas tij ato ishin fitimprurëse dhe për to ishin marrë kredi për rehabilitim:“Unë dëshiroj tua bëj të qartë ofertuesve, mos shkoni më tute në këtë proces, ne nuk do të lejojmë që këto pasuri të grabiten për llogari të qeveritarëve që sot nuk arrijnë dot më të mbajnë shtetin në këmbë”

     

    Por nga ana e tij kryeministri Sali Berisha u përgjigj mbrëmë duke e cilësuar plotësisht transparent procesin për shitjen e tyre: “Ky është një proces kryekëput transparent, ku të gjitha ofertat janë hapur para kamerave televizive. Ka një konsulent  ndërkombëtar që është Koorporata Financiare Ndërkombëtare, krahu tregtar i BB-së dhe një komision vlerësues kompetent e serioz. Unë nuk do t’i lejoj vetes komente të tjera, në një proces në vazhdim. Nëse e njeh apo jo zoti Rama procesin, nuk është e rëndësishme kjo. E rëndësishme është që zoti Rama të njohë veten e tij, por këtë ai e ka të pamundur”.

     

    Cështjet e privatizimeve por edhe ato ekonomike duket se do të jenë, më shumë se cdo herë tjetër, një pjesë qëndrore e fushatës së ardhshme elektorale për zgjedhjet e qershorit 2013.

    Ky forum është mbyllur
    Përzgjedhja e komenteve
    Komente
         
    nga: Anonim
    31.12.2012 03:01
    Vetro Energy: Nisin procedurat nga Raiffeisen në Vjenë për pagesën e garancisë 170 milionë euro. Nga Revista Monitor, 21.12.2012.

    Qe prej kesaj date thuhet ne artikullin e mesiperm se "Burime nga Ministria e Ekonomisë pohuan për Monitor.al se janë kontaktuar nga qendra e Raiffeisen në Vjenë dhe kanë nisur procedurat për pagesën e kësaj shume".

    Raiffesien ka bashkepunuar me mafjoze sipas kabllogrameve te ambasadorit amerikan. Shqiperia eshte vend anetar i NATO-s dhe si i tille duhet qe t'i ruhen edhe pasurite nga mafjozet me ndihmen e NATO-s. FBI duhet te hyje ne hetime pasi behet fjale per nje vend anetar te NATO-s.


    nga: Xhevahir Gradica nga: Durres
    27.12.2012 20:25
    Prej disa vitesh, saktesisht ne mandatin e dyte e me pas te kesaj qeverie ka humbur nocioni i fjales transparece. Nuk ekziston më në kulturen e shtetareve tane transparenca. Fjala artikulohet sa per t'u hedhur hi në sy qytetareve. Mungesa e saj i ka fundosur dhe i ka rrenuar institucionet e shtetit tone. Po bejme hapa prapa per te vetmin fakt se ministrat, deputetet, drejtoret, prefektet, kryetaret e qarqeve, shefat e medhenj e te vegjel ose jane bere pjese e korrupsionit, ose jane te pafuqishem per te denoncuar.


    nga: Anonim
    27.12.2012 09:01
    Alpetroli ishte nga Qeveria Berisha si cerdhe per te punesuar militantet e PD dhe per te mbushur arken e PD per fushatat elektorale.por Berisha per ta hedhur lumin e krizes ekonomike ja shet Rezart Tacit,por hesapet ishin bere pa hanzhine sepse arka e Rezart Tacit ishte bosh sepse shpenzonte per fushata elektorale dhe me krimin e organizuare..

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    12.02.2016
    Emisioni televiziv Ditari

    LAJME

    Maqedoni: Prokurorja Speciale nis hetime

    Hetimet në procesin e quajtur “Titanik”, përfshijnë ministra, gjykatës, noterë dhe zyrtarë të lartë të dyshuar për mashtrim zgjedhor
    Më tepër

    Qëndrimi ulur dhe tkurrja e trurit

    Një studim i ri zbulon se qëndrimi ulur në kolltuk duke parë televizor, në vend të ushtrimeve fizike, mund të shkaktojë tkurrjen e trurit tek të moshuarit.
    Më tepër

    USAID dhe fermerët në Malësi të Madhe

    Malësia e Madhe është zona ku grumbullohet sasia më e madhe e bimëve mjeksore, që eksportohen në SHBA.
    Më tepër

    BE, ultimatum Greqisë për kontrollin kufitar

    BE i dha Greqisë tre muaj afat të ndreqë problemet, përndryshe do të përballet me pezullim të antarësimit në Zonën e Shengenit për lëvizjen pa viza
    Më tepër

    Obama dhe fushata presidenciale

    Presidenti amerikan që mori pjesë në disa aktivitete politike për mbledhje fondesh për Partinë Demokrate në Kaliforni, tha se vendi është në një moment të rëndësishëm politik
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Thousands of faithful are coming to the Basilica of Our Lady of Guadalupe where Pope Francis will celebrate Mass on Feb. 13, Mexico City. (C. Mendoza/VOA)
    • Security was tight days ahead of the papal visit, Mexico City. (C. Mendoza/VOA)
    • Images of Pope Francis are plastered all over Mexico City. (C. Mendoza/VOA)
    • A statue of Pope John Paul is seen near the Basilica of Our Lady of Guadalupe, Mexico City. (C. Mendoza/VOA)
    • Women drop off flowers at the Basilica of Our Lady of Guadalupe ahead of the papal visit, Mexico City. (C. Mendoza/VOA)
    • Pilgrims of all ages make their way to the Basilica of Our Lady of Guadalupe to see Pope Francis, Mexico City. (C. Mendoza/VOA)

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.