E premte, 28 gusht, 2015

Intervista

Privatizimi i Albpetrolit

Avokati David Farber përfaqëson firmën amerikane Patton Boggs, këshilltare ligjore e qeverisë shqiptare në procesin e privatizimit

x
Intervistoi: Xhixho
Albpetroli, firma e vetme shtetërore që shfrytëzon fushat e naftës në Shqipëri, është një nga pasuritë më të mëdha publike që po privatizohet.   Firma fituese e tenderimit, koncorsiumi Vetro Energy, ka ofruar 850 milionë Euro për blerjen e Albpetrolit.  Kjo firmë duhet të depozitojë tani në formë të paakthyeshme, 20 për qind të vleftës për të filluar negociatat me qeverinë shqiptare. Në këtë proces qeveria shqiptare ka marrë si këshilltar ligjor firmën amerikane Patton Boggs.  Kolegu Arben Xhixho bisedoi me avokatin  David Farber, lidhur me procesin e privatizimit të Albpetrolit. 

VOA: Zoti Farber faleminderit për këtë intervistë.  Albpetroli është një nga pasuritë më të rëndësishme që Shqipëria po privatizon, të paktën nga vlera monetare.  A mund të na sqaroni fillimisht rolin që luajti firma juaj në këtë proces?
                                                           


D. Farber:  Patton Boggs, së bashku me partnerët tanë në Tiranë, studion e njohur ligjore Zaka-Kosta, shërbyen si këshilltarë të ministrisë së Energjitikës për privatizimin e Albpetrolit. Ky angazhim filloi para disa vitesh, na u desh kohë e gjatë të vijmë deri këtu, por sot jam i kënaqur që jemi në këtë fazë të projektit. Pra ne kemi shërbyer si këshilltarë së bashku me partnerin tonë lokal Zaka-Kosta.   
 
VOA: A ishte firma juaj ajo që bëri vlerësimin e gjithë ofertave, duke i klasifikuar ato? Dhe si e bëtë ju renditjen?  
 
D. Farber:  Patton Boggs në partneritet me firmën Zaka-Kosta bën vlerësimin e ofertave.  Siç e dini periudha e paraqitjes së ofertave u hap më 6 ose7 shtator dhe ne menjëherë filluam vlerësimin e tyre. Ofertat, me një përjashtim të vetëm, kishin paraqitur dokumente të shumta, kishim materiale të bollshme financiare për të vlerësuar. Firmat e interesuara paraqitën planin e biznesit 5 vjeçar, ne bëmë vlerësimin e tyre, i vlerësuam ofertat për nga kriteret teknike, në se i plotësonin  ato apo jo, dhe pastaj vlerësuam çdo ofertë në tërësi. Patëm 6 oferta, bëmë vlerësimin për secilën prej tyre. Kriteret si pjesë e procesit të tenderimit, ishin bërë të njohura që në fillim, që kur u shpall privatizimi. Që atëhere u përcaktua se si do të bëhej vlerësimi dhe klasifikimi i çdo elementi të procesit të privatizimit. Bazuar në këtë proces, vlerësuam çdo ofertë dhe raportin përfundimtar ia dërguam ministrisë shqiptare me rekomandimin tonë.      
 
VOA: Dy ndër elementët kryesorë vlerësues ishin kriteret teknike,  pra përvoja e firmave në shfrytëzimin e fushave të naftës dhe kriteret monetare, pra sa para do të ofronin ato.
 
D. Farber: Po ashtu është.
 
VOA: Le të ndalemi tek secila prej tyre. Me atë që dini ju, kur u krijua firma YPO dhe çfarë përvoje teknike sjell ajo, që e kualifikon mbi të tjerat? 
 
D. Farber: Po keni të drejtë. Kriteret u ndanë në dy kategori kryesore, në atë financiare, që ishte thjesht shuma që do të ofronin.  Kriteri financiar do merte një vlerësim deri në 75 pikë .... 
 
VOA: Do të ndalemi tek ana financiare më vonë, por le të flasim për aspektet teknike në fillim.
 
D. Farber:  Për anën teknike, pyetja juaj ishte përse u zgjodh YPO.  Ne nuk vlerësuam firmën YPO më vete. Firma YPO është pjesë e një koncorsiumi, ku bëjnë pjesë Silk Road Equity, dhe dy partnerët e tjerë, Huddleston Energy dhe Home Creek Energy. Ne e vlerësuam koncorsiumin në tërësi dhe bazuar në kualifikimet e koncorsiumit ishim në gjendje të vlerësonim përvojën, aftësitë teknike, si dhe aftësinë për të realizuar planin 5 vjeçar të biznesit.  Në rastin e firmës Vetro, ajo që ishte e veçantë për të, është se oferta e tyre mbështetej edhe nga një bankë investuese ndërkombëtare BNP Paribas,  me përvojë të gjatë në sektorin e energjitikës.
 
 
VOA: Cili është roli i kësaj banke? A e këshillon ajo firmën YPO?
 
D. Farber:  Nuk e di në se ajo këshillon firmën YPO ose jo, por ajo këshillon koncorsiumin Vetro, pra këtu kemi një kombinim të dy elementëve kryesorë të koncorsiumit, SiklkRoad  YPO dhe Huddleston e Home Creek nga njera anë dhe bankën investuese që është këshilltare e tyre, nga ana tjetër, që ne na u paraqit si pjesë e ofertës. Ne analizuam këtë përvojë dhe i kërkuam,  jo vetëm Vetro-s, por të gjitha firmave, që paraqitën oferta, të na japin hollësi të shumta nga përvojat e së kaluarës, në shfrytëzuimin e naftës dhe gazit si dhe në tregëtimin e tyre. Të gjitha firmat e interesuara, jo vetëm Vetro, na paraqitën projekte konkrete që kanë kryer, fusha nafte që kanë shfrytëzuar. E morrëm këtë informacion nga të gjitha firmat. Pastaj bëmë punën tonë për të kontrolluar me sa mundëm informacionin. Verifikuam një pjesë të mirë të tij, dhe kjo na çoi në klasifikimin e firmave nga ana teknike. Dua të theksoj se vlerësimi teknik, nuk kishte të bënte thjesht me aftësinë për të drejtuar një biznes të caktuar, apo për planin 5 vjeçar të biznesit, por edhe për çështje të tjera, si për shembull për ato mjedisore, shëndetësore të sigurimit teknik, të punësimit e të tjera.  
 
VOA:  Edhe një pyetje e fundit për aspektet teknike. A është e saktë të thuhet se dy firmat, Huddleston Energy dhe Home Creek Energy, janë dy firmat kryesore të konsorciumit për shfrytëzimin e fushave të naftës në Shqipëri?
 
D. Farber: Po ato janë qendra e ekspertizës teknike. Të dyja ato kanë përvojë të gjatë dhe secila prej tyre këshillon konsorciumin Vetro...
 
VOA: Cili është roli i firmës Silk Road Equity?
 
D. Farber: Ajo është partnere me firmën YPO dhe së bashku janë pronare të koncorsiumit Vetro.
 
VOA: Silk Road nuk është e specializuar në energjitikë, a do të jetë roli i saj më shumë në aspektet financiare të koncorsiumit? 
 
D. Farber:  Nuk më kujtohen hollësitë e përvojës së tyre në sektorin energjitik, për momentin nuk më kujtohen, por pa dyshim ata do të ofrojnë një pjesë të mbështetjes financiare.    
 
 
VOA: Ju thatë se aspektet financiare morën deri në 75 pikë. ..... një ndër kriteret kryesore ishte përzgjedhja e atij që paguante më shumë. Dhe oferta më e lartë ishte rreth 1,1 miliard dollarë ose 850 milion euro. Dhe ata duhet t’ia paguajnë këtë në cash qeverisë shqiptare në mbarim të negociatave. A i kanë ata këto para?
 
D. Farber: Çdo gjë që kemi parë deri tani na jep të kuptojmë se ky nuk do të jetë problem. Por çështja këtu është se si kanë ndërmend ata ta financojnë këtë marrëveshje, pra nëse i kanë paratë në dorë, apo do t’i marrin hua. Kjo varet krejtësisht prej tyre.
 
VOA: Nga ajo që dini ju, a i kanë ata paratë në banka dhe do t’ia transferojnë qeverisë shqiptare?
 
D. Farber: Nuk mund të hyj në hollësi për mundësitë financiare. Unë e kam studiuar gjendjen e tyre financiare por nuk dua të hyj aty.
 
VOA: Apo do t’i sigurojnë me hua? Sepse këtu ka dy zgjidhje, ose i kanë paratë, ose do t’i sigurojnë  diku? Pra nga do të vijnë 850 milion eurot?
 
D. Farber: Si konsulent i ministrisë, nuk dua të shpreh hamendje se çfarë synimesh ka konsorciumi. Nuk e di, sepse është punë e tyre se si do të vendosin, se si do ta financojnë marrëveshjen. Pra, nëse do t’i marrin paratë borxh, do t’i gjejnë paratë në ndonjë mënyrë tjetër, apo do t’i marrin nga llogaria e tyre bankare. Kjo do të varet nga konsorciumi dhe nuk është çështje e ministrisë.
 
VOA: Por ju si konsulent i ministrisë duhet të jeni në gjendje të thoni se ata janë të aftë t’i gjejnë paratë, bazuar në atë që ju keni parë, apo jo?
 
D. Farber:  Mos harroni se procesi funksionon kështu: për t’u kualifikuar për të bërë një ofertë, jo vetëm për Vetron por edhe për të tjerët, duhet të depozitosh një garanci në formë parash. Qëllimi i këtyre parave është pikërisht ky, që të mund të kemi firma serioze në tryezë, pra jo firma që thjesht thonë se janë në gjendje të paguajnë e që në fakt nuk janë. Me shpalljen e konsorciumit si fitues, që u bë javën e kaluar, kërkesa për këtë garanci dyfishohet dhe bëhet 20 përqind. Këtu flitet për shumë para...
 
VOA: Pra, rreth 200 milion dollarë, që duhet të depozitohen në një bankë.
 
D. Farber:  Fjala tani është 170 milion euro, pra 20 përqind, që do të ofrohen nga një bankë si garanci e pakthyeshme, që ne mund t’i kërkojmë në çdo kohë për të mbështetur realizimin e procesit. Ne besojmë se kjo do të ndodhë shpejt, përndryshe procesi nuk do të shkojë përpara. Më lejoni të shtojë se këtu flitet për një sasi shumë të madhe parash që dikush i depoziton si garanci e pakthyeshme dhe kështu duhet të funksionojë procesi.
 
VOA: A është kjo e njëjta bankë ku është depozituar edhe 10 përqindëshi i parë, The American Charter Bank?
 
D. Farber:  Ne parashikojmë që garancia prej 20 përqind do të jetë nga një bankë tjetër.
 
VOA: Pra, nëse negociatat nuk realizohen, konsorciumi humbet 170 milion euro. Por si mund t’i humbasë ai kur nuk i ka këto para? 
 
D. Farber:  Këtu është edhe i gjithë qëllimi që banka vendos një garanci të pakthyeshme. Pjesë e procesit është garantimi që hollësitë e ofertave të mbahen konfidenciale dhe ne e respektojmë këtë. Ajo që ne dimë është se kjo duhet të jetë një garanci e parevokueshme nga një bankë e madhe dhe këtë presim.
 
VOA: Sa pritet të zgjasin negociatat?
 
D. Farber:  Ne ende nuk i kemi datat e sakta por sigurisht ne dëshirojmë që ato të fillojnë menjëherë. Varet se kur do ta njoftojë këtë konsorciumi dhe me ta njoftuar negociatat do të fillojnë.

Ky forum është mbyllur
Përzgjedhja e komenteve
Komente
     
nga: Xhevahir Gradica nga: Durres
06.11.2012 21:56
Veshtire te besohet se ministra te kabinetit te sotem qeveritar te jene profesionalisht te afte dhe moralisht te denje te realizojne tenderime te tilla me karakter teper strategjik. Pas vitit 2009 qeveritareve u ka interesuar vetem fitimi personal dhe nuk e kane vene ujin ne zjarr per detyrimin institucional. U pa më së miri se nuk behej fjale per politike dhe aleanca politike, por per pazare dhe alenca pazaresh. Monopolet kane mbeshtetjen e shtetit dhe kjo nuk ka as me te voglin dyshim dhe nuk kane nevoje per as me te voglin koment.


nga: shqipo nga: US
13.10.2012 14:58
A ka nja version Anglisht te kesaj interviste? Me duhet per disa miq Amerikane.

Is there an English version of this interview available?


nga: Adi nga: Suedi
12.10.2012 05:54
Eshte teper e ulet qe ne skema mashtruese te tilla te perfshihen dhe firma amerikane si Patton-Boggs te cilet po bejne avokatin e djallit. Gjithe skema ishte nje mashtrim i hapur dhe Patton-Boggs kane pjesen e tyre ne kete mashtrim. Banka Charter(e kategorise se dyte) me nje buxhet teper te vogel nuk mund te jape kred jashte SHBA sipas ligjit federal. Nuk eshte permandur asnje banke tjeter ne kontrate dhe kjo alibi eshte thjeshte pjese e skemes mashtruese.


nga: Petrit
12.10.2012 00:12
Privatizimi i Albpetrolit,nje skenare i peshtire brenda LOJRAVE POLITIKE te mostrave te diktatures komuniste dhe pjellave te saj per te gllaberuar me fuqin e pushteteve dhe per te mbajtur ne vazhdimesi pushtetin e botes se krim-korrupsionit politik ne te tre pushtetet.


DREJTESI E VONUAR,DREJTESI E DHUNUAR,NJE BASHKEFAJESI DHE NJE KRIM QE VAZHDON.


VEPRO TANI NE MBROJTJE TE MORALIT E DINJITETIT NJEREZOR.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
27.08.2015
Emisioni televiziv Ditari

LAJME

Anketa e re: Trump në krye

Miliarderi i pasurive të patundshme gëzon një mbështetje prej 28 për qind në mesin e votuesve republikanë në të gjithë vendin
Më tepër

Sulm me autobombë në Irak

Një luftëtar i grupit Shteti Islamik sulmoi me makinë bombë një autokolonë të trupave irakiane, duke vrarë dy komandantë të lartë ushtarakë dhe veten
Më tepër

Irak, ISIS vret dy gjeneralë me makinë-bombë

Sulmi ndodhi në veri të qytetit Ramadi që mbahet nga Shteti Islamik në provincën Anbar, ku forcat pro-Baghdadit kanë muaj që luftojnë kundër ekstremistëve
Më tepër

Kundërshtime ndaj asociacionit të komunave serbe

Partitë opozitare kanë vazhduar të kundërshtojnë marrëveshjet e nënshkruara dy ditë më parë për normalizimin e marrëdhënieve ndërmjet Kosovës dhe Serbisë
Më tepër

Fëmijët dhe kanceri

Mjekët janë duke hequr dhe ngrirë vezoret dhe testitet e fëmijëve me kancer me shpresën që të jenë në gjendje për të ruajtur pjellorinë e tyre kur të rriten
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • A Naga sadhu, or naked Hindu holy man, pauses inside a tent during Kumbh Mela, or Pitcher festival, at Trimbakeshwar, India.
  • NASA astronaut Kjell Lindgren corrals the supply of fresh fruit that arrived on the Kounotori 5 H-II Transfer Vehicle (HTV-5.) Visiting cargo ships often carry a small cache of fresh food for crew members aboard the International Space Station.
  • Women look at a swastika on the door of the Red Cross asylum center in Lyngbygaard, in Trustrup in the west of Denmark. The center was vandalized by unidentified men, who drew Nazi symbols and wrote a message reading "first warning" at night. A vehicle was also set on fire outside the center.
     
  • A hooded man with a colorful outfit known as the 'Cipotegato' acknowledges the crowd after running through the streets of Tarazona, Spain.
  • WDBJ-TV7 news morning anchor Kimberly McBroom, center, gets a hug from visiting anchor Steve Grant, left, as meteorologist Leo Hirsbrunner reacts after their early morning newscast at the station in Roanoke, Virginia. Reporter Alison Parker and cameraman Adam Ward were killed during a live broadcast on Aug. 26, while on assignment in Moneta.
     
  • Jasmine Todd of the United States competes in the qualifying round of the women's long jump athletics event at the 2015 IAAF World Championships at the "Bird's Nest" National Stadium in Beijing, China.
  • A Thai veterinarian takes a picture of a 2-year-old orangutan during a health examination at Kao Pratubchang Conservation Centre in Ratchaburi, Thailand.
  • Balloons of the installation "Heartbeat" by French artist Charles Petillon are seen at Covent Garden Market in London. "Heartbeat" is created from 100,000 white balloons and stretches 54 meters in length and 12 meters in width, incorporating gentle pulsating white light to symbolize the beating of a heart and reflect the history, energy and dynamism of the district.
  • Usain Bolt of Jamaica is hit by a cameraman on a segway as he celebrates after winning the men's 200 meters final at the 15th IAAF World Championships at the National Stadium in Beijing, China.
  • Guests, with their hair blown back, watch while Marine One takes off as U.S. President Barack Obama departs the White House in Washington. Obama is traveling to New Orleans to commemorate the 10th anniversary of Hurricane Katrina.
  • A worker stands next to a patient buried in the hot sand in Siwa, Egypt. In the searing heat of summer in western Egypt, at the hottest time of the day, sufferers of rheumatism, joint pain, infertility or impotence lie buried neck-deep in the sand of Siwa near Dakrour Mountain. Locals say taking a sand bath is a natural therapy with powers to cure many medical conditions.
  • Tourists snap photos on Lombard Street, a popular tourist spot also known as the "world's crookedest street" in San Francisco, California, Aug. 26, 2015.
  • A demonstrator wearing a skull mask takes part in a protest in Mexico City to mark the eleven-month anniversary of their disappearance. The students' disappearance on the night of Sept. 26, 2014, in the southwestern city of Iguala triggered massive protests in Mexico and calls for justice.
     
  • The shimmering colors visible in this NASA/ESA Hubble Space Telescope image show off the remarkable complexity of the Twin Jet Nebula. The new image highlights the nebula’s shells and its knots of expanding gas in striking detail. Two iridescent lobes of material stretch outwards from a central star system. Within these lobes two huge jets of gas are streaming from the star system at speeds in excess of one million kilometers (621,400 miles) per hour.
  • Firefighters battle a fire in Santa Clara, California, Aug. 26, 2015, after a driver struck a gas line and subsequently fled the scene.
  • Tourists play in front of a 3D painting on the wall of a house in Luoyuan village, Jinhua, Zhejiang province, Aug. 26, 2015.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.