Zyrtarët në veri-perëndim të Pakistanit thonë se një shpërthim gjatë një ceremonie fetare shiite la të vrarë të paktën pesë vetë.
Autoritetet thonë se 90 vetë u plagosën nga shpërthimi sot në Dera Ismail Khan, ku dje u ndërmor një sulm tjetër, përsëri kundër popullatës shiite.
Filiali i rrjetit Taleban në Pakistan mori përgjegjësinë për të dyja sulmet.
Sulmet ndërmerren ndërkohë që myslimanët shiitë festojnë muajin e shenjtë Muharram, i cili hap vitin kalendarik mysliman. Edhe në të kaluarën ka pasur sulme nga ekstremistët suni kundër besimtarëve shiitë gjatë muajit Muharram.