E premte, 04 shtator, 2015

Lajme / SHBA

Withers: Shqipëria do të mund të arrijë ëndrrën që lindi njëqind vjet më parë

Ambasador Withers do të shkojë në Shqipëri për 100-vjetorin e pavarësisë dhe do të marrë titullin Qytetar Nderi i Vlorës

x
Arben Xhixho
Zëri i Amerikës: Ambasador Withers, ju do të shkoni në Shqipëri për 100-vjetorin e pavarësisë dhe do të merrni titullin Qytetar Nderi i Vlorës. A mund të ndani me ne mendimet tuaja për këtë udhëtim që do të bëni në Shqipëri, i cili me sa di është i pari që kur ju u larguat nga posti i ambasadorit.
 
John Withers:  Keni të drejtë. Është hera e parë që shkoj në Shqipëri që nga largimi në gusht të vitit 2010. Mezi pres të shkoj përsëri. Shqipëria është një vend, nga i cili kam kujtimet më të ngrohta. Atje kam shumë miq dhe kam njohur shumë njerëz, kam ndjerë mirësinë dhe bujarinë e tyre ndaj meje. Nuk kam fjalë për të shprehur mirënjohjen time për atë që po bën për mua qyteti i Vlorës, djepi i pavarësisë shqiptare. Ky është qyteti ku filloi gjithçka, ku u ngrit flamuri më 28 nëntor 1912. Kjo u bë shkak për një sërë ngjarjesh të mëdha që i dhanë drejtimin, madje identitetin Shqipërisë së sotme. Të jesh atje në një kohë të tillë për të marrë këtë titull, është një nder, më i madh se çdo nder tjetër që më është bërë ndonjëherë në jetë. Prandaj e vlerësoj thellë dhe në një farë mënyre jam i mrekulluar nga kjo ngjarje.
 
Zëri i Amerikës: Historia është pasioni juaj. Tani që Shqipëria feston 100-vjetorin e pavarësisë, po ta kthejmë kokën prapa, do të shohim se historia nuk ka qenë dhe aq e mirë me Shqipërinë dhe me shqiptarët. Pas sundimit të gjatë osman, menjëherë pasi Shqipëria u shpall e pavarur, kemi Luftën e Parë Botërore. Kur vendi përpiqej të rindërtohej, erdhi Lufta e Dytë Botërore. Pas kësaj, për 50 vjet, Shqipëria u sundua nga regjimi komunist. Kanë qenë vetëm 20 vitet e fundit në të cilat Shqipëria është përpjekur të ndërtojë një shoqëri moderne mbi parimet e demokracisë. Mendoni se këto 20 vjet kanë mjaftuar për të kapërcyer këtë trashëgimi të vështirë?

 

John Withers: Është një pyetje shumë e goditur, si nga pikëpamja historike dhe politike por edhe nga pikëpamja e publikut shqiptar dhe e perceptimit të tij se në ç’drejtim kërkon të shkojë dhe çfarë kërkon të bëjë. Po lexoja një rrëfim të një udhëtari anglez me emrin John Hobhouse, i cili e vizitoi Shqipërinë në vitin 1809. Ai thotë diçka interesante që më bëri shumë përshtypje. Ai tregon se kur ishte në Shqipëri, duke biseduar me udhëtarë të tjerë, ata e identifikonin veten me një besim të caktuar fetar, por kur pyeste vendasit se çfarë ishin, ata gjithnjë thoshin: jam shqiptar. Mendoj se kjo vetëdije u bë themeli i Rilindjes dhe i hapit të madh që Shqipëria feston këtë vit – i pavarësisë kombëtare. Ismail Qemali dhe ata njerëz që ngritën flamurin në Vlorë më 28 nëntor 1912, e çuan më tej atë vetëdije të të qenit shqiptar. Ata i shtuan kësaj ndjenje të shqiptarisë, sensin e vetëvendosjes, ku u mbështetën nga presidenti ynë Woodrow Wilson, si dhe vendosmërinë për liri. Siç e thatë edhe ju, kjo dëshirë dhe kjo ëndërr që ata kishin për një Shqipëri të lirë, u godit nga shumë e shumë forca historike, më e keqja ndër të cilat ishte periudha komuniste. Tani komunizmi nuk është më në fuqi dhe çështja është se çfarë duhet ndërtuar në vend të tij. A duhet zbatuar në praktikë vizioni i Ismail Qemalit, a duhet realizuar ajo ëndërr? Kjo është pyetja që shqiptarët duhet t’i japin vetë përgjigje. Dhe së fundi, duke krijuar këtë sens të ri të Shqipërisë moderne që filloi më 28 nëntor 1912, lëvizja për pavarësi, burrat dhe gratë trime të asaj kohe kanë lënë trashëgiminë e tyre, trashëgiminë e lirisë, të pavarësisë dhe të parimeve demokratike. Përsa kohë që shqiptarët i përmbahen asaj, përsa kohë që ata e shikojnë me mirënjohje dhe admirim atë periudhë të shkuar, duke i mbajtur ato parime në zemër, Shqipëria do të mund të arrijë ëndrrën që lindi njëqind vjet më parë.
 
Zëri i Amerikës: Më lejoni t’ju pyes: si do ta karakterizonit gjendjen e demokracisë sot në Shqipëri?
 
John Withers: Mendoj se pikëpamjet e mija janë të njohura. Sekretarja Clinton në mënyrë mjaft të artikuluar shprehu mendimet e saj, por unë e shoh këtë rast të veçantë si momentin për të hedhur sytë tek parimet më të larta, tek parimet themelore, sesa të përpiqemi të analizojmë se cila është gjendja e demokracisë apo e politikës sot. Këto parime më të larta, janë parime për të cilat unë gjithmonë kam qenë krenar dhe i kënaqur që i kam gjetur mes shqiptarëve kur isha atje. Me fjalë të tjera, megjithë vështirësitë dhe historinë tragjike të Shqipërisë, gjithnjë ka ekzistuar besimi se Shqipëria do të ngrihet. Dhe, me këtë besim, asgjë nuk mund t’i ndalë aspiratat e popullit.
 
Zëri i Amerikës: Më lejoni t’ju bëj edhe një pyetje: Ku i shikoni sfidat kryesore për Shqipërinë në të ardhmen?
 
John Withers: Mendoj se sfidat me të cilat përballet vendi në atë rajon janë të mëdha e të shumta. Njëra prej tyre është trashëgimia historike. Shqipëria nuk është mësuar me demokracinë ashtu siç është bërë standarde në vendet e tjera të botës, për shembull në Shtetet e Bashkuara dhe në Evropën Perëndimore. Sfida është këmbëngulja te parimet e udhëheqjes. Mënyra themelore për të arritur ëndrrën e 1912-ës nuk është duke i bërë punët nga lart poshtë por nga poshtë lart. Mësimi i vërtetë i demokracisë është se udhëheqësit drejtojnë me vullnetin e popullit dhe nuk mund të jetë ndryshe. Kam besim të plotë se Shqipëria ndodhet në prag të një lindjeje të re të lirisë. Duke mësuar se autoriteti më i lartë i takon popullit, ata do të mund të kapërcejnë çdo sfidë, si në aspektin ekonomik, social apo politik. Unë vazhdoj të jem optimist dhe të kem shumë besim tek Shqipëria dhe tek populli shqiptar.
Ky forum është mbyllur
Përzgjedhja e komenteve
Komente
     
nga: shqiptar
20.12.2012 15:18
Kur permendim demokracine shembullore amerikane, nuk duhet te harojme kurre se ne kete vend te madh dikur, ka pasur nje diskriminim te madh racial ndaj njerezve me ngjyre. Te mos harojme KuKlus Klanin.
Cfare permbysje e madhe eshte bere sot ne kete drejtim.
President i ketij vendi demokratik eshte nje politikan me prejardhje afro-amerikane, ambasadori Withers gjithashtu.
Ne shqiptaret kishim si KU KLUS KLAN nje tjeter persekutor. Kishim regjimin diktatorial komunist. Diktatura komuniste i ndau shqiptaret me luften e klasave njelloj si ndaheshin ne SHBA te bardhet me njerezit e me ngjyre.
Bile persekutimi i tejskajshem motivohej me mendimin ndryshe. Qe te harojme krimet e komunisteve eshte njelloj si te harojme krimet e KU KLUS KLANit


nga: Petro Jashari nga: U S A
22.11.2012 19:33
Zoti withers gezon respekt mbarepopullor ne populli Shqiptar.Ky respekt mbeshtetet jo vetem ne percaktimin shume ekzakt nga ana e tij te realitetit shqiptar por mbi te gjitha vleresohet vizjoni i tij per te arthmen demokratike te Shqiperise.Ne 100 vjetorin e pamvarsise miq te tille jane dhe do te ngelen ne krenarine e kombit.


nga: Petrit
22.11.2012 14:17
Vleresimi si Qytetare Nderi i Vlores per ish Ambasadorin e SHBA-se z.Withers ne kete 100 vjetor te pavaresise se Shqiperise eshte jo vetem nje nderim i madh per Te, por edhe nje mirenjohjen e rradhes e shqiptareve ndaj politikes qe qeverite e SHBA-se kane treguar dhe tregojne ndaj Shqiperise.
Zotit Withers i uroje jete te gjate dhe gjithe te mirat ne jete te jeteve.


nga: ahmeti nga: tirane/shqiperi
22.11.2012 09:28
Dhe kenga thote:``..mbahu neno,mos ki frike,se ke djemt ne Amerike..``
Zoti Withers,pa dyshim e ka njohur zemren e paster te shqiptarit.!
Ndaj mund te quhet,pa frike,eshte nje djal i Shqiperise ne Amerike.!
Ai mund qe quhet edhe si ambasador i shqiptareve ne amerike.!
Lavdi popullit amerikan qe gjithmone ka qytetare te tille.!


nga: Anonim
22.11.2012 04:17
NUK BESOJ SE ISH AMBASADORI KA TE DREJT TE MBESHTESI KOMUNISTET SHQIPTAR QE TE VIJNE NE PUSHTET, BESOJ SE ATE E SHTYJNE PROBLEME TE TJERA PER TE DHENE KETO DEKLERATA. ME VJEN SHUME KEQ QE NJE ISH PUNONJES I ADMINISTRATES SE DEPARTAMENTIT TE SHTETIT MBESHTET MARJEN E PUSHTETIT NE SHQIPRI NGA KOMUNISTET DHE PINJOLLET E ISH BLLOKUT. Z. ISH AMBASADOR I UROJ PLEQRI TE MBARE.


nga: Ajet Delaj nga: New York
22.11.2012 02:17
Thank You and Happy Thanksgiving
Ambasador Withers
Miku i madh i shqiptareve ambasadori Withers gezuar festen e pamvarsise se Shqiperise se bashku me tere kombin shqiptar. Me fjalen dhe shpirtin tat te bardhe e te sinqerte i keni bere nje sherbim te pallogaritshem kombit shqiptar e miqesise e lidhjeve Amerikano-Shqiptare.
Per nje nje gje duhet te jeni te sigurte se shqiptaret me gjithe mangesite e tyre objektive e subjektive e kane shume te forte ndjenjen e mirnjohjes e respektin per mikun e sinqerte si ju.
Une nuk dua te them asgje per permbushjen e detyres suaj te nderuar te Ambasadorit te Amerikes ne Shqiperi megjithse jam i sigurte dhe i bindur se e keni permbushur detyren ne menyre te perkryer si askush tjeter pasi jo vetem kombet tona i ke afruar por e ke radhitur veten ne plejaden e burrave te medhenj te shtetit e kombit Amerikan . Jam i bindur se qendron ne zemrat dhe mendjet e shqiptareve perkrah Presidenteve Wilson, Presidenteve Bush Babe e Bir, Presidenit Clinon e Presidentit Obama ku te tere se bashku keni mere te mundur qe kombi shqiptare ti mbijetoje historise dhe te jete tani me afer lirise e integrimit Euro-Atlantik se kurre me pare.
Kjo interviste dhe vizita juaj ne Shqiperi te marra se bashku me viziten e mikes se shqiptareve Hillary Clinton dhe mesazheve qe ajo percolli per publikun shqiptar na mbushin me besim se Shqiperia eshte realisht ne nje prag vertet cilsor te demokratizimit te saje.
E vecanta juaj dhe e Sekretares Clinton ishte dhe eshte se ju dhe departamenti i shtetit folet me te njejten gjuhe me gjuhen e shqiptareve per problemeve qe realisht shqetesojne shqiptaret. Pra ju folet shqip sic i themi ne duke ju dhene nje ndihme e kontribut per aspiratat e lirise dhe vlerave perendimore qe realisht kane nevoje shqiptaret dhe per te cilat luftojne per nje kohe te gjate.
Edhe nje here mire se vini ne Shqiperi miku i madh i shqiptareve Ambasadori Withers , ky nuk eshte vetem urimi im por shpreh bindjen se ky eshte urimi i pjese dermuese te shqiptareve .
Thank You

Sincerely
Ajet Delaj
New York


nga: Anonim
21.11.2012 20:31
Ish Ambasadorit Amerikan Z Withers ne Tirane i jepet qytetar nderi i qytetit te Vlores me rastin 100 vjetorit te Pavaresise te Shqiperise.eshte teper e merituat per kete Ambasador i dashur me shqipetaret dhe e donte Shqiperine me zemer duke thene te vertetat,mirpo e verteta nuk i pelqen nje pale..Z Withers i beri nje sherbim te larte te kombit shqipetar dhe atij amerikan,Urime Z Withers,,,

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
03.09.2015
Emisioni televiziv Ditari

LAJME

BERZH-i investon në hekurudhat e Kosovës.

Me rreth 40 milion euro për hekurudhat e Kosovës, BERZH-i po realizon investimin e parë në sektorin e transporteve në vend.
Më tepër

UNHCR kërkon program rivendosjeje për refugjatët

Komisionari i lartë për refugjatë i OKB-së Antonio Guterres, tha se kriza e refugjatëve do të jetë një “moment përcaktues” për Bashkimin Evropian
Më tepër

Basha kërkon dorëheqjen e Metës

Kryetari i opozitës reagon pas publikimeve ku hidhen dyshime për përfshirjen e kryetarit të parlamentit në një aferë ryshfeti në vitin 2010
Më tepër

Akuzat e ish zyrtarit të policisë

Ish shefi i antikontrabandës në Fier Dritan Zagani flet për lidhje të drejtuesve të policisë me trafikantë.
Më tepër

Refuzimi i martesës së homoseksualëve

Punonjësja e gjykatës së shtetit të Kentakit që vazhdon të refuzojë të lëshojë autorizime martese për çiftet e të njëjtit seks, del sot para një gjykatësi federal për t’u përballur me akuza për fyerje ndaj gjykatës
Më tepër

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • Children dressed as Hindu Lord Krishna wait to participate in a fancy dress competition at a temple in Chandigarh, India.
  • Handout photos (bottom) released 5 from the RSPCA shows the 40.45 kilos of wool shorn off a giant woolly sheep being weighed in the outskirts of Canberra a day after Australian animal welfare officers put out an urgent appeal for shearers after finding the sheep with wool so overgrown its life was in danger. The heavily overgrown sheep had its massive fleece removed by by Australian Shearers' Hall of Famer Ian Elkins in a 42-minute process that he said was "certainly a challenge".
  • Protester Kayla Marks of Hollywood, FLorida, holds a sign before U.S. Vice President Joe Biden met with Jewish community leaders at the David Posnack Jewish Community Center in Davie, Florida, USA. Biden tried to reassure Jewish leaders in south Florida that President Barack Obama's nuclear deal with Iran would be a vital step toward making the world a safer place.
  • Birds are released at the end of the military parade marking the 70th anniversary of the end of World War II, in Beijing, China.
  • Chinese military medics take part in a parade commemorating the 70th anniversary of Japan's surrender during World War II held in front of Tiananmen Gate in Beijing.
  • An Indian Nihang, a religious Sikh warrior, deomonstrates Sikh martial arts skills known as 'Gatka' during a march to mark the 354th birth anniversary of the Sikh warrior Shaheed Baba Jiwan Singh at the Golden temple in Amritsar.
  • An Afghan boy walks in front of street art on a barrier wall of the NDS (National Directorate of Security) in Kabul.
  • U.S. President Barack Obama performs a traditional Yup'ik dance at a school in Dillingham, Alaska Sept. 2, 2015.
  • A woman looks at the painting 'Composition with lines and colour' by Dutch painter Piet Mondrian during a press preview of an exhibition at the Martin-Gropius-Bau museum in Berlin, Germany.
  • An aerial view of Burning Man 2015 "Carnival of Mirrors" arts and music festival in the Black Rock Desert of Nevada, USA, Sept. 2, 2015.
  • A store employee walks past other staff members dressed as Stormtrooper and Death Star Gunner (R) from the film "Star Wars" before launching the film's new toys at Loft Variety Store in Shibuya shopping district in Tokyo, Japan.
  • A black cap capuchin monkey plays with some food in its enclosure at the Olmense Zoo in Olmen, Belgium, Sept. 2, 2015.
  • A surfer at Surf Snowdonia in Conwy, North Wales, Australia
     
  • An Israeli Antiquities Authority employee cleans an 1,800-year-old stone sarcophagus from the Roman Period at the storage of the National Treasures in Beit Shemesh, Israel. Workers found the sarcophagus at a building site.
  • Smartphones of the electronic company Samsung are displayed after a press conference at the company's stand at the IFA 2015 tech fair in Berlin, Germany.

Interaktive

Nuk keni telefon inteligjent?
Nuk ka problem!
Shkarkoni falas aplikacionin e VOA në telefonin tuaj.

 Shkarkoni aplikacionin mobil për tipin e telefonit tuaj.