E premte, 12 shkurt, 2016

    Lajme / Bota

    Parashikimet ekonomike për vitin 2013

    x
    Viti 2013 për ekonomitë më të mëdha të botës do të jetë me sfida të mëdha. Shtetet e Bashkuara, Kina dhe Rusia kanë përjetuar ndryshim të udhëheqjes së vendit ndërkohë që India ka përjetuar ngadalësim të rritjes ekonomike, rritje të papunësisë dhe shtim të varfërisë. Në vitin e ri do të vazhdojnë përpjekjet për daljen nga kriza financiare e 2012.  Në vazhdim do t’i hedhim një vështrim pritshmërive ekonomike në botë për vitin 2013. 

    Paqëndrueshmëria në tregun e aksioneve në vitin 2012 shkaktoi protesta të mëdha kundër masave shtrënguese në Greqi dhe Spanjë.

    Protestuesit në Athinë shprehën zemërimin e tyre ndaj shkurtimeve të thella dhe u përleshën me policinë.  Forcat përdorën gaz lotësjellës dhe pompa uji në përpjekje për të rivendosur rendin.

    Në fillim të nëntorit, pas shumë muajsh negociatash, parlamenti grek miratoi një numër masash shtrënguese të nevojshme për ta mbajtur gjallë ekonominë e vendit.
    Marrëveshja mbi shkurtimet e mëdha hapi rrugën për lirimin e fondeve prej  31,5 miliardë euro për ta shpëtuar këtë vend nga falimentimi. Kjo pati një ndikim pozitiv në tregun e aksioneve duke krijuar një ngritje në tregun global të aksioneve.

    Por, pasiguria ekonomike në Evropë vazhdon të ketë ndikim negativ në jetën e njerëzve. Në Spanjë, një në katër banorë është i papunë dhe mijëra të rinj nuk mund të gjejnë punë.

    Shumë vende janë në vështirësi, ndërkohë që tkurrja ekonomike e shkaktuar nga rënia e tregut të shtëpive në vitin 2008 çoi në një recesion të dyfishtë ekonomik.
    Borxhi i Spanjës ka arritur në 145 miliardë dollarë ndërkohë që vendi po përpiqet të shmangë atë që i ka ndodhur Greqisë, Irlandës, Portugalisë dhe Qipros- nevoja për të kërkuar ndihmë financiare ndërkombëtare.

    Në Shtetet e Bashkuara, ekonomia më e madhe e botës, presidenti Barack Obama u rizgjodh për një mandat të dytë, pas një fushata të ashpër zgjedhore. Më 20 janar të vitit 2013, presidenti Obama bën betimin për mandatin e tij të dytë presidencial.
    Për presidentin Obama, sfida e parë është rritja e taksave për të pasurit.

    Nëse presidenti nuk arrin një kompromis me ligjvënësit republikanë për buxhetin dhe për rritjen e taksave për të pasurit, Shtetet e Bashkuara mund të përballen me pasojat e “greminës fiskale”.

    Reagimi i tregut të aksioneve ndaj mungesës së një kompromisi për çështjet financiare është i paparashikueshëm.

    Ken Simonson është president i Shoqatës Kombëtare të Ekonomistëve të Biznesit në Uashington.

    “Nëse kongresi dhe presidenti arrijnë një kompromis për të shmangë rritjen masive të taksave dhe shkurtimet e mëdha të shpenzimeve në fillim të vitit të ardhshëm, atëherë ekziston një pritshmëri se ekonomia do të vazhdojë të rritet me një ritëm të ngadaltë, por ndoshta mund të ketë rritje më të shpejtë me kalimin e kohës”.

    Paqëndrueshmëria ekonomike në Evropë mund të ketë ndikim negativ në sektorin amerikan të prodhimit. Prodhuesit e makinave si kompania Ford dhe General Motors varen nga shitjet e makinave në Evropë.

    Rritja ekonomike në vendet në zhvillim vazhdon të ketë një rëndësi të madhe. Kina pritet t’ia kalojë Shteteve të Bashkuara për nga zhvillimi ekonomik brenda 20 viteve të ardhshme.

    Por rënia në ekonomitë evropiane ka patur ndikim negative në eksportet kineze. Tani Pekini po përpiqet të forcojë konsumin brenda vendit.

    Udhëheqja e re e Kinës pritet të fillojë zbatimin e politikave të reja ekonomike në vitin 2013 me një numër masash, përfshirë uljen e inflacionit dhe uljen e nivelit të papunësisë. Në vitin 2013, prodhimi i brendshëm në Kinë pritet të rritet në nivelin 8 për qind.

    Xiangfang Ren është analist për çështjet e Kinës në organizatën IHS Global Insight.

    “Mendoj se udhëheqja e re ka sjellë veprime më dinamike, prandaj unë pres që Kina në vitin e ardhshëm, si në aspektin shoqëror ashtu edhe në aspektin ekonomik, të jetë më dinamike”.

    Rusia ka një president të ri por të njohur, Vladimir Putinin. Që nga ardhja e tij në pushteti ai ka premtuar krijimin e 25 milion vendeve të reja të punës.

    Sfida e zotit Putin në gjashtë vitet e ardhshme është rritja dhe modernizimi i sektorit të prodhimit, dhe kalimi nga ekonomia tradicionale në një ekonomi të drejtuar nga tregu e cila varet më pak nga eksportet dhe burimet minerale.

    “Në thelb çështja kryesore për ekonominë ruse është sigurimi i rritjes ekonomike përmes shfrytëzimit të mundësive që vijnë nga tranzicioni i saj nga një ekonomi e planifikuar në një ekonomi të tregut dhe deri më tani këto mundësi nuk janë shfrytëzuar”, thotë Yevgeny Yasin, profesor në Fakultetin Ekonomik të Moskës.

    Analistët thonë se ekonomia ruse do të përballet me vështirësi nëse nuk reformohet.
    India po përballet me nivel të lartë të inflacionit, nivele të larta të interesit, defiçit të madh fiskal, dobësim të monedhës dhe një mjedis të pasigurtë të politikave, të cilat kanë goditur konsumin dhe investimet.

    Rritja ekonomike ka rënë në 5,3 për qind në tremujorin e tretë, duke ngelur në nivelin më të ulët në tre vjet ndërkohë që Nju Deli po përballet me vështirësi në zbatimin e reformave për të ringjallur ekonominë e tretë në Azi.

    Dobësimi i ekonomisë vështirëson përpjekjet për krijimin e vendeve të punës për popullsinë e re indiane, për balancimin e buxhetit dhe në të njejtën kohë për pagimin e programeve sociale me kosto të lartë para zgjedhjeve kombëtare që pritet të zhvillohen më 2014.
    Ky forum është mbyllur
    Komente
         
    Në këtë forum nuk ka ende komente. Bëhuni i pari që komentoni

    Ditari

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    Ditarii
    X
    11.02.2016

    LAJME

    Një aeroport i Berlinit strehim për refugjatët

    Aeroporti që dikur shërbeu si frymëmarrja për Berlinin e Luftës së Ftohtë, tashmë po shërben si strehim emergjence për refugjatët
    Më tepër

    Teknologji e re: Robotë teleprezentë

    Kompania “Double Robotics” ka prodhuar një robot teleprezentë i cili mund të përdoret nga bizneset, spitalet, studentët
    Më tepër

    Ish roja i Aushvicit para drejtësisë

    Reinhold Hanning tha se ka shërbyer në kampin e Aushvicit si SS 20 vjeçar, por këmbëngul se ai ka shërbyer në një pjesë të kampit ku ka ka patur shfarosje me gaz
    Më tepër

    Shkup, gjyqi për ngjarjet e Kumanovës

    Në Shkup ka vazhduar seanca gjyqësore ndaj 29 të akuzuarve lidhur me ngjarjet e përgjakshme të vitit të kaluar në Kumanovë.
    Më tepër

    Erdogan kërcënon për dëbimin e imigrantëve

    Ai konfirmoi komentet e nxjerra nga media në fillim të javës, sipas të cilave ai i ka thënë presidentit të Komisionit të BE-së se do t’i dëbojë refugjatët, në qoftë se Turqisë nuk i jepet mbështetje për përpjekjet e saj.
    Më tepër

    FOTO E DITËS

    Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
    • Workers hold a giant figure showing the King of Carnival during preparations for the carnival parade in Nice, France.
    • A man walks under snow-covered trees during snowfall in Tangmarg town in Kashmir region, India.
    • Cargo on an overloaded vehicle slumps off to the side after arriving from the Kaesong industrial zone, outside a military checkpoint in Paju, South Korea. North Korea ordered the immediate expulsion of all South Koreans from the jointly-run industrial zone and the seizure of their factory assets in response to Seoul's decision to shut down the complex.
    • A Palestinian demonstrator throws back a tear gas canister that was fired by Israeli troops during a demonstration, calling for the release of Palestinian journalist Mohammed al-Qeq, outside the Ofer military prison near the West Bank city of Ramallah.
    • Protesters hold up posters to protest against Turkish President Tayyip Erdogan during the red carpet arrivals at the opening gala of the 66th Berlinale International Film Festival, in Berlin, Germany.
    • Members of a German Ghostbusters fanclub dressed as the film's characters, drink coffee at a street food market at the 66th Berlinale International Film Festival in Berlin, Germany.
    • Penguins at the London Zoo are given their breakfast in special heart-shaped ice blocks as a fun way of celebrating Valentines’ Day, and to highlight the start of penguin breeding season.
    • Emplyees organize bouquets of flowers for export before Valentine's Day at a farm in Facatativa near Bogota, Colombia.
    • A crowd looks at the wreckage of a train crash in Beni Suef, south of Cairo, Egypt.
    • Black kites fly as a murmuration of starlings perform their traditional flying dance near the southern Israeli city of Rahat, Feb. 10, 2016.
    • Traditional buildings are seen lit up at night in Liaocheng, Shandong province, China, Feb. 10, 2016.
    • A rider jumps during a pre-race for the inauguration of the first official Motocross track the MX Wingate cross country race track near Netanya, Israel.

    Interaktive

    Nuk keni telefon inteligjent?
    Nuk ka problem!
    Shkarkoni falas aplikacionin e VOA në telefonin tuaj.

     Shkarkoni aplikacionin mobil për tipin e telefonit tuaj.