E martë, 02 shtator, 2014

Lajme / SHBA

Bashkia e Uashingtonit feston Ditën e Ilir Zherkës

x
Ardita Simiçia
Kryetari i Bashkisë së Uashingtonit e ka shpallur ditën e sotme Dita e Ilir Zherkës. Lobisti dhe aktivisti veteran me prejardhje shqiptare është bërë një ndër figurat më të njohura në betejën për t’u siguruar banorëve të Uashingtonit të drejta të plota përfaqësimi në Kongresin amerikan. Ai mbylli një karrierë 10 vjeçare në krye të organizatës DC Vote për të marrë drejtimin e një organizate tjetër të shoqërisë civile. Zoti Zherka flet për eksperiencën e tij si aktivist, vizionin dhe ambicjet për të ardhmen.
 


Ilir Zherka shprehet me një mirënjohje dhe kenaqësi të natyrshme për nderimin që ka marrë nga Kryetari i Bashkisë së Uashingtonit në Ditën e Ilir Zherkës. Por ai ka edhe një krenari të dukshme kur flet për punën e tij si Drejtori Ekzekutiv i organizatës DC Vote. Para se ai të merrte drejtimin e organizatës, DC Vote ishte një organizatë e vogël, nën kërcënimin e falimentimit dhe me probleme të vazhdueshme nga një drejtim i dobët dhe një strategji e paqartë. Dhjetë vjet më pas, megjithëse ende larg arritjes së misionit, ajo është sot organizata më e njohur në përpjekjet për t'i siguruar Uashingtonit përfaqësim në organin legjislativ: 

“Realizuam dy gjëra që ishin shumë të rëndësishme në lëvizjen për demokracinë në Uashington. Njëra ishte krijimi i një koalicioni të fortë organizatash që merren me këtë mision. Përmes këtij koalicioni organizatash kemi arritur të aktivizohemi në shtete ku nuk kemi anëtarë, kjo ka rëndësi kritike në përpjekjet për ta ngritur këtë betejë në nivelin institucional. Gjatë 10 vjetëve të fundit kemi arritur mbështetje dypartiake për përfaqësimin e Uashingtonit në Kongres si dhe kontroll të plotë mbi ligjet dhe buxhetin lokal".

Që në krijimin e Distriktit të Kolumbias si selia e qeverisë federale, uashingtonasit kanë zhvilluar një betejë të pandërprerë për të siguruar të drejtat civile që u ofrohen shtetasve të tjerë amerikanë. Pengesat ndaj kësaj lëvizjeje janë bazuar gjithmonë në argumentin që Washingtoni nuk gëzon statusin e shtetit dhe si rezultat, banorët e tij nuk gëzojnë statusin e banorëve të shteteve të tjerë. Është një argument ndaj të cilit DC Vote, është mobilizuar aktivisht në 10 vjetët e fundit me protesta, demonstrata e lobizëm të fuqishëm:
“Themeluesit e kombit krijuan nje Distrikt Federal, por jo një distrikt me qytetarë të klasit të dytë. Kushtetuta nuk thotë se uashingtonasve nuk do t'u njihet e drejta për përfaqesim në Kongres, apo për të gëzuar kontroll mbi qeverisjen lokale. Ata parashikonin që Kongresi në të ardhmen do t'i zgjidhte këto çështje. Nuk ishte menduar që 200 vjet më pas, uashingtonasit nuk do të gëzonin këto të drejta themelore, përkundrazi". 

“Drejtimin e organizatës DC Vote e pashë si një mundësi që unë, një imigrant i ardhur në këtë vend kisha shansin të ndihmoja kryeqytetin e vendit të realizonte një të drejtë bazë që pjesa më e madhe e amerikanëve nuk e kanë idenë se vazhdon si problem".
 

I njohur si një lobist dhe organizator energjik e i aftë, zoti Zherka pohon se puna si aktivist nuk është gjithmonë e lehtë dhe e lavdishme.

"Kam përjetuar shumë raste kur jam ballafaquar me vendimin e gabuar në sistemin politik amerikan, gjë që më irriton. Por nuk mund ta quaj politikën ‘lojë të pistë’. Kështu është realiteti: politikanët duan të rizgjidhen, ata kanë një vizion që duan të realizojnë dhe për ta arritur këtë, u duhet të sigurojnë votat dhe shpesh, për ta bërë këtë ata marrin edhe vendime të gabuara nga pikëpamja ime. Ajo që më pëlqen tek puna që bëj është se unë kam detyrën t'i bind politikanët të marrin vendimet e duhura, jo thjesht duke u kërkuar në mënyrë të sjellshme, por edhe përmes protestash, presionit, vënien e tyre përpara përgjegjësisë. Ky është një element esencial i sistemit politik amerikan. Në fund të fundit politikanët punojnë për popullin". 

Zoti Zherka është veçuar si një ndër lobistët më të suksesshëm në përpjekjet e Uashingtonit për të siguruar vendin e tij në Kongres. Për vetë Ilir Zherkën, ky mision është një mundësi për të konkretizuar demokracinë amerikane: 

"Zbulova pasionin e jetës kur punova me Këshillin Kombëtar Shqiptaro-Amerikan, pasi në atë detyrë pata mundësinë të ndihmoj një komunitet, në këtë rast komunitetin shqiptaro-amerikan të komunikonin dhe t'i parashtronin kërkesa qeverisë së tyre. Ky është thelbi i demokracisë amerikane - mundësia që u jepet grupeve të interesave specifike, përmes fushatave, kontributeve politike, protestave, të ndikojnë tek qeverisja. Aty zbulova pasionin tim, zbulova talentin ne organizimin e njerëzve, për t'u dhënë atyre zërin që u duhet të dëgjohen në Kapitol, në Shtëpinë e Bardhë dhe në të gjithë vendin për të sjellë ndryshime".

Është një element që ende u mungon shoqërive në Ballkan, pohon zoti Zherka, kjo edhe për faktin që ende nuk është krijuar kultura e donacioneve në mbështetje të shoqatave dhe fondacioneve joqeveritare e jopartiake që punojnë për një mision të caktuar:

"Në shumë vende organizatat nuk kanë ato burime që kemi në Amerikë. Pjesa më e madhe e fondeve tona vijnë nga fondacione që janë themeluar vite më parë nga njerëz shumë të pasur për të realizuar një ndikim pozitiv tek shoqëria. Ne kemi burimet financiare për të bërë lobizëm dhe aktivizëm. Është e vështirë të bësh aktivitet në shërbim të interesit publik pa pasur fondet e nevojshme, thjesht mbi baza vullnetare. Këtu në Shtetet e Bashkuara ne e bëjme këtë punë në nivelin profesional. Në këtë organizatë unë kam afro 10 punonjës me orar të plotë, ka organizata që kanë deri në 100 punonjës. Shpresoj që me kalimin e kohës, kjo kulturë e donacioneve dhe e mbështetjes me fonde për këto kauza do të krijohet edhe në Kosovë e Shqipëri". 

Një shembull i suksesshëm i këtij mobilizimi social është komuniteti shqiptaro-amerikan, për të cilin zoti Zherka ka punuar prej vitesh si organizator dhe lobist. Ai mbetet edhe sot e kësaj dite një anëtar aktiv i organizatave të komunitetit:

"Jam anëtar i Këshillit Kombëtar Shqiptaro-Amerikan. Mendoj se komuniteti shqiptaro-amerikan ushtron një influencë 1 mijë herë më të madhe se numri i anetarëve të tij. Ky është një komunitet shumë i vogël në Shtetet e Bashkuara, por jemi treguar shumë të zgjuar dhe të organizuar më së miri. Shqiptaro-amerikanët kanë miq të fuqishëm mes demokratëve dhe republikanëve dhe kauza shqiptare ka përfituar më së miri nga këto marrëdhënie". 

Në zyrat e organizatës DC Vote, sot është një ditë sa festive, aq edhe emocionuese. Ilir Zherka dorëzon detyrën e Drejtorit Ekzekutiv për të marrë drejtimin e organizatës National Conference on Citizenship. Por ai nuk e mohon që në një të ardhme mund të konkurojë edhe për post publik:

"Kam mësuar se kurrë nuk duhet të thuash "S'do të ndodhë kurrë". Nuk i dihet. Nuk mund të them si do të vijë e ardhmja. Aktualisht jam i angazhuar në mënyrë aktive në sistemin politik amerikan. Detyra e re që marr së shpejti do të më japë mundësi edhe më të mëdha për të ndihmuar njerëzit të angazhohen në sistemin politik amerikan". 

Një detyrë e re për një aktivist dhe lobist veteran që ka lënë tashmë gjurmë në pejsazhin politik të Uashingtonit.
Ky forum është mbyllur
Përzgjedhja e komenteve
Komente
     
nga: Petrit
05.11.2012 09:53
Praktikat e deritashme te politikave te riciklimit te botes se krim-korrupsionit politik ne te tre pushtetet nga xhaketat e kthyera te diktatures komuniste dhe bijte e saj ne vite ne Shqiperi,vertetojne se dhe Iliri sikurse dhe shume pseudo azilante politik,apo ekonomik,mbeten shushunja te komunizmit te konvertuar ne emigracion qe diligjojne shoqata, apo organizata jo qeveritare ne SHBA dhe ne vende te tjera te botes.Mos denimi i krimeve makabre te diktatures komuniste,si dhe kapja e pozites dhe opozites nga xhaketat e kthyera te diktatures komuniste dhe pjellat e saj deri me sot, vertetojne katerciperisht se keto palo emigrante politik,apo ekonomik te kacavjerrur ne administrate,shoqata,apo organizata jo qeveritare ne SHBA,apo ne bote, nuk jane gje tjeter vetem pjese e telekomanduar dhe e peshtire e skenareve te vazhdimesise se diktatures komuniste te konvertuar ne demokrate,socialite e nje djalle e gjysen ne Shqiperi dhe jashte saj,qe nuk kane te ngopur me pushtet e para pa kufi.
FBI-ja duhet te hetoje per origjinen e pasurive te tyre ne vite.


nga: Ardiani nga: USA
28.10.2012 01:41
Jetoj per nje kohe te gjat ne Amerike, po per Z.Zherka kam ndigjuar vetem ne ato raste kur ka dal ne krah dhe ne mbrojtje te Sali Berishes.Nga ky shkrim mesojme se z. Zheka ke bere nje pune te mire per pefaqesimin e banoreve te DC ne kongres,do me vinte mire qe te njejten pune te beje dhe per demokracine e brisht shqiptare.Faktet deri tani kan treguar se zotnija ka lobuar ne DC per nje njeri si Sali Berisha qe lufton institucionet demokratike dhe kushtetuese,njekohesisht eshte pergjegjes per masakren e 21 Janarit ku u vrane 4 qytetar.


nga: Beni NY nga: NY
27.10.2012 22:21
Kjo Ollga flet duke mos patur haber per pikepamjet e \ilir Zherkes. Une nuk dua te prononcohem ne vend te tij, por Ilir Zherka ka kontribuar me shume ne te mjaten shqipatre, jo se ai eshte i majte, por koha kur ishte ne \shqiperi dhe kur ai kryesponte keshillin \shqiptaro-amerikan, perkuan me te majtet ne pushtet.
Znj Ollga, me te cilien nuk dua te polemizoj me teper apo te ve ndonje epitet, qe ndoshta nuk e meriton, duhet te njohe njerezit pa te flase.


nga: ahmeti nga: tirane
27.10.2012 21:16
Mire ben qe amerikanet te angazhohen ne sistemin politik, por ti je djal me prejardhje shqiptare,ndaj te ftoj qe te angazhohesh edhe per ceshtjen e shqiptareve ne trevat e tjera qe ende kane mbetur ne shtete te tjera te ballkanit si: Maqedoni,Serbine jugore(Presheve,Bujanoc,Medvegje,por edhe ne ceshtje came,ne te drejta te shqiptareve ne Mal te zi etj.
Ju urojme suksese per ceshtjet amerikane,aleati strategjik i shqiptareve, por edhe ato shqiptare. Ahmeti


nga: Bashkim Ngjeci nga: Kukes Region
27.10.2012 12:17
Pershendetjet dhe urimet me te sincerta per kete personalitet te spikatur te botes shqiptare qe ka ditur te fitoje kete emer dhe kete pozite nepermjet te ciles rrespektohen e nderohen te gjithe shqiptaret. Shpresoj dhe uroj qe praktika dhe pasioni qe ka mberthyer e shkelqyer tek Z. Zherka te zhvillohet dhe tek te tjere personalitete me kapacitete per ti zhvilluar keto vizione e misione kaq te domosdoshme per demokracine e aq me te domosdoshme ne Shqiperi e Kosove. Urime!


nga: Anonim
27.10.2012 08:42
URIME Z ILIR ZHERKA PER PUNEN E MIRE NE AMERIKE,POR DUHET TE BESH NJE PUNE TE MIRE PER KOMBIN TEND SHQIPERI .POLITIKA 22 VJECARE ME POLITIKANET SI SALI BERISHA,FATOS NANO DHE SKENDER GJINUSHI JANE VENE KRYE TE PARTIVE NGA RAMIZ ALIA PINJOLLI I FUNDIT I DIKTATURES KOMUNISTE NE SHQIPERI JANE ME TESERA PARTIE TE REKRUTUAR NGA SIGURIMI I SHTETIT DHE NGA UDB JUGOSLLAVE PER 22 VJET DEMOKRACI I SOLLEN SHKATERIME DHE VRASJE SI NE VITIN 1997 E CILA ESHTE TRAGJEDIA E SHEKULLIT VITI 1998 KU U VRA AZEM HAJDARI U SHKATERUA SHQIPERIA PRAP VRASTARET RINE NE PARTINE DEMOKRATIKE,APO APOKALIPSI SHQIPETAR GERDECI ME 26 VRARE ,21 JANARI PER 22 VJET VIDHEN VOTAT.PASURIA KOMBETARE KALOI NE NJE DORE PREJ 5% QE JANE QEVERITARET ,,KJO KLASE POLITIKE KA DESHTUAR ME TURP PARA KOMBIT TE VET ,DREJTIMIN E QEVERISE TA MARIN DJEM DHE VAJZA TE SHKOLLUAR NE PERENDIM DHE SHBA QE JANE ME FRYME PERDIMORE,LARG RYMAVE SLLAVOKOMUNISTE DHE ORJENTALE..Z ILIR JAP KONTRIBUTIN TEND VEPRO TANI..


nga: Ollga nga: Canada
27.10.2012 01:52
Ilir Zherka mund te kete bere pune te mira per komunitetin e DC,por ka bere nje pune shume te keqe duke lobuar per nje njeri si Sali Berisha, i cili eshte i vetmi ne demokracit lindore qe ka vrare demostrues paqesor.Nuk ka dy standarte,edhe mbrojme demokracine dhe ne anen tjeter mbron krimin diten per diell,kjo nga shumica e shqiptaro-amerikaneve eshte jo vetem e papranueshme por e denueshme.


nga: Fatime nga: Kosovë
26.10.2012 22:08
Z.Zherka i dëshiroj suksese të metejme në jetë dhe punë!


nga: Fatmir nga: MI
26.10.2012 22:05
Pershendes Ilirin dhe i uroj sukses ne detyren e re qe do te marre.

Ditari

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Ditarii
X
01.09.2014
Emisioni televiziv Ditari sjell pranë jush lajmet më të fundit nga bota, korrespondencat nga rajoni, intervista dhe analiza me tema nga më të larmishmet.

SHKARKONI PROGRAMIN FALAS TË ZËRIT TË AMERIKËS (VOA) PËR CELULARIN OSE TABLETIN TUAJ

 
Download mobile app for your Android device.
Download mobile app for your iPhone or iPad.

LAJME

SHBA, sulm ajror kundër grupit Al-Shabab

Zëdhënësi i Pentagonit, John Kirby konfirmoi sulmin dhe tha se Shtetet e Bashkuara janë duke bërë "vlerësimin e rezultateve" të sulmit.
Më tepër

Parlamenti rrëzon dekretet e Presidentit Nishani

Kryeministri Rama: Presidenti ka goditur tre prioritete kombëtare. Opozita vazhdon bojkotin. Rama: nuk mund të bëjmë babysitter-in e saj
Më tepër

Ukrainë, seperatistët duan bisedime për armëpushim

Separatistët pro-rusë thonë se janë të gatshëm të mbeten pjesë e Ukrainës, nëse atyre u jepet më shumë autonomi.
Më tepër

NATO krijon një forcë të reagimit të shpejtë në përgjigje të krizës në Ukrainë

Sekretari i Përgjithshëm i NATO-s Anders Fogh Rasmussen tha se forca do të përfshijë disa mijëra trupa që do të kenë mbeshtetje nga ajri, deti dhe forcat speciale.
Më tepër

Kosovë: Presidentja Jahjaga mund të ndërhyjë për formimin e institucioneve

Presidentja e Kosovës nuk e ka përjashtuar mundësinë që të ndërhyje për të lehtësuar diskutimet për zgjidhjen e ngërçit politik
Më tepër

Amerika në 60 sekonda

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
Amerika në 60 sekondai
|| 0:00:00
...
 
🔇
X
08.08.2014
Amerika në 60 sekonda

FOTO E DITËS

Keni JavaScript të çaktivizuar ose keni variantin e vjetër të Adobe's Flash Player. Ngarkoni Flash player.
  • People mourn inside School Number One during a ceremony commemorating the victims of the 2004 hostage crisis in the southern Russian town of Beslan.
  • A fisherman collects dead "popocha" fish at the lagoon of Cajititlan in Tlajomulco de Zuniga, Jalisco State, Mexico. At least 48 tons of fish have turned up dead in the lagoon in western part of the country and authorities are investigating whether a wastewater treatment plant is to blame.
  • Anti-government protesters beat a riot policeman after clashes during the Revolution March in Islamabad, Pakistan.
  • A Sri Lankan family is silhouetted against a street lamp as they walk in the Galle Face Green sea promenade at dusk in Colombo.
  • Workers dry the court after a suspension of play due to rain at the 2014 U.S. Open tennis tournament in New York, Aug. 31, 2014.
  • A piece of a mortar projectile is seen on a road near the airport in Donetsk, eastern Ukraine. Separatists claimed another victory with what they said was the withdrawal of Ukrainian soldiers from the airport at Donetsk, the main city in the industrial southeast.
  • Workers from a company outsourced by Mexico's state-owned oil company Pemex try to remove fuel after a pipeline spill of premium gasoline contaminated the Hondo River near the town of Tierra Blanca, Aug. 31, 2014.
  • A Sikh man performs a stunt with fire during the celebrations of the 410th anniversary of the installation of the Guru Granth Sahib, the religious book of Sikhs, in the northern Indian city of Amritsar.
  • Soldiers of Belarus special mission unit take part in a demonstration at the cadet of the Suvorov military school during the traditional school year opening ceremony in Minsk.
  • A man grabs a flag as he slips off the "gostra", a pole covered in grease, during the celebrations for the religious feast of St. Julian, patron of the town of St. Julian's, outside Valletta, Malta, Aug. 31, 2014.
  • French cyclist Claude Bares, rides on his bicycle at the Alto Irpavi velodrome in La Paz, Bolivia, Aug. 31, 2014.
  • A journalist tries to use the new device using 3D-heptics technology which gives users tectale and kinethetic feeling virtually at a press preview in Tsukuba, suburban Tokyo. Japan's high-tech venture Miraisens unveiled a 3D technolog that promises users to enjoy "bodily sensation" through reaction feelings of touching, pushing and pulling virtual objects. The new technology "fools human brains" by creating illusions with different patters of vibration from a small device on a fingertip and 3D images.

Interaktive