Lidhje

Yahoo me drejtues të ri


Rrjeti gjigand internetik Yahoo ka emëruar si shefin e tij të ri një nga drejtueset e kompanisë rivale Google.

Marissa Mayer fillon detyrën e saj të martën, duke u bërë një nga shefet e rralla ezkekutive femra në Silicon Valley.

37-vjeçarja Mayer ka punuar prej shumë kohës në rretin Google ku është marrë me zhvillimin e motorit të kërkimit dhe me faqen eletrionike Google. Ajo gjithashtu ka mbikëqyrur shumë prej prodhimeve të Google-it, si kërkime imazhesh, lajmesh dhe hartash.

Rrjeti Yahoo ka ndërruar një numër drejtorësh gjatë disa viteve të fundit, ndërsa përpiqet për t'a kthyer këtë rrjet prej 700 milionë përdoruesish në burim të ardhurash nga reklamat dhe për të konkuruar me rrjetet e suksesshme Google dhe Facebook.

Aksionet e firmës Yahoo shënuan një rritje dje menjëherë pas shpalljes së vendimit.
XS
SM
MD
LG