Lidhje

Veprimtari egjiptian vdes në paraburgim


egypt activist
egypt activist

Në një deklaratë të presidentit Morsi thuhet se çështja do të hetohet dhe se nuk do të ketë kthim prapa në shkeljet e të drejtave të kryera nga paraardhësi i tij, Hosni Mubarak

Një aktivist egjiptian i arrestuar në një tubim anti-qeveritar muajin e kaluar, vdiq në paraburgim policor, duke zemëruar protestuesit në veri të vendit dhe duke e detyruar qeverinë që të urdhërojë një hetim policor për shkelje të mundshme të të drejtave të njeriut.

28-vjeçari Mohamed El-Gendy vdiq të hënën pasi policia e kishte transferuar në një spital në qytetin Tanta. Policia e kishte arrestuar anëtarin e partisë opozitare Popullore në një protestë në sheshin Tahrir të Kairos më 27 janar. Miqtë dhe familja e El-Gendyt thonë se plagët e tij fatale ishin rezultat i torturës policore.

Pas funeralit të aktivistit në Tanta, disa protestues hodhën gurë mbi policinë dhe u përpoqën të sulmonin një ndërtesë qeveritare. Forcat speciale të policisë u përgjigjën me gaz lotsjellës.

Zyra e presidentit Mohamed Morsi tha se ai ka urdhëruar një hetim rreth vdekjes së El-Gendyt. Në një deklaratë, presidenti u zotua se nuk do të ketë kthim prapa në shkeljet e të drejtave të kryera nga autoritetet egjiptiane gjatë sundimit të paraardhësit të tij, Hosni Mubarak, i cili u rrëzua në një kryengritje popullore në vitin 2011.
XS
SM
MD
LG