Lidhje

Njoftimi i rremë në Twitter mbi shpërthime në Shtëpinë e Bardhë trondit bursën


Twitter

Brenda pak minutash, indeksi i bursës Dow Jones ra ​​rreth 130 pikë, duke fshirë fitimet e ditës.

Një raport i rremë për shpërthime në Shtëpinë e Bardhë dhe plagosje të presidentit Barak Obama, shkaktoi një rënie të shpejtë të vlerës së aksioneve në bursat amerikane, të cilat u rimëkëmbën veten pak pas mbylljes së veprimtarive të djeshme.

Agjencia e lajmeve Associated Press thotë se piratët elektronikë hynë dje në llogarinë e saj në Twitter dhe vendosën mesazhin "Lajm i bujshëm. Dy shpërthime në Shtëpinë e Bardhë dhe Barak Obama është plagosur"

Brenda pak minutash, indeksi i bursës Dow Jones ra rreth 130 pikë, duke fshirë fitimet e ditës.

Por Dow Jones i rifitoi humbjet po aq shpejt kur u bë e qartë se raportet ishin të rreme.

Një grup i quajtur Ushtria Elektronike Siriane ka marrë përgjegjësinë për këtë sulm, por pretendimi i saj ende nuk është vërtetuar.

Ky grup ka kryer sulme të ngjashme më parë kundër agjencive të tjera të lajmeve.

Shiko komentet (1)

Ky forum është mbyllur
XS
SM
MD
LG