Lidhje

Kosovë: Jep dorëheqje shefi i Agjencisë së privatizimit


Shefi i agjencisë së privatizimit, Blerim Rexha dha dorëheqje pas shqetësimeve që nxiti largimi i përfaqësueses amerikane nga kjo agjenci në fillim të kësaj jave.


Në Kosovë, shefi i Agjencisë së Privatizimit, Blerim Rexha, dha sot dorëheqje të pathyeshme nga ky post. Vendimi për dorëheqjen pasoi shqetësimet që nxiti dorëheqja e përfaqësueses amerikane Bernadette Roberts nga Bordi i kësaj agjencie.

Në një shpjegim të shkurtër për dorëheqjen e saj, ambasada amerikane në Prishtinë shprehu “shqetësimin në lidhje me udhëheqjen dhe drejtimin e Agjencisë Kosovare të Privatizimit dhe nuk ndjehet më në gjendje që të jap një ndihmesë pozitive në punën e rëndësishme të agjencisë”.

Largimi i përfaqësueses amerikane nga ky institucion, u cilësua si lajm i keq për Kosovën edhe nga zyrtarë të lartë institucionesh, partish politike dhe organizata joqeveritare.

Pas situatës së krijuar, shefi i kësaj agjencie, Blerim Rexha, sot shpalli vendimin për të dhënë dorëheqje të pakthyeshme.

Procesi i privatizimit i filluar pak pas luftës në Kosovë, vazhdimisht ka nxitur debate, posaçërisht rreth privatizimit të ndërmarrjeve me të mëdha publike dhe më fitimprurëse në Kosovë.
XS
SM
MD
LG