Mbrëmë (16 shtator), rreth orës 18 e 50 minuta, në qendër të qytetit të Shkodrës është kryer një atentat me eksploziv të telekomanduar ndaj një punonjësi të policisë. Deri tani, policia nuk ka arritur të identifikojë autorët dhe as motivet e atentatit. Në një njoftim të saj, policia bëri të ditur se atentati ka ndodhur për shkak të detyrës së punonjësit të policisë. Javët e fundit, në Shqipëri kanë ndodhur të paktën katër atentate me lëndë eksplozive ndaj punonjësve të shtetit dhe biznesmenëve, duke shtuar shqetësimet rreth sigurisë në vend.