Në Kosovë, partitë politike thanë se janë të gatshme që të vazhdojnë këshillimet me presidenten e vendit, Atifete Jahjaga, në kërkim të një zgjidhjeje që do të çonte në formimin e institucioneve të reja të dala nga zgjedhjet e tetë qershorit. Këshillimet mund t’i paraprijnë vazhdimit të seancës së ndërprerë të parlamentit i cili dështoi të zgjedhë udhëheqjen e tij për shkak të qëndrimeve të ndara të partive politike në Kosovë.