Bashkimi Evropian anuloi një takim të nivelit të lartë të 28 vendeve anëtare për Greqinë, ndërsa vazhdojnë bisedimet e ministrave të financave të eurozonës.
19 ministrat po vazhdojnë takimin në Bruksel pasi bisedimet e së shtunës nuk arritën të shënonin një marrëveshje. Takimi i ministrave do të zgjasë derisa të përfudojnë bisedimet me Greqinë tha presidenti i Këshillit të Evropës, Donald Tusk.
Zyrtarët e Eurozonës u përballën me dështimin e Greqisë për të kryer këstin e pagesës disa ditë më pare. Ata kërkojnë garanci shtesë se Athina do të respektojë kushtet e një marrëveshje të re.
Burimet thonë se ministrat e financave shfrytëzuan takimin e së shtunës për të formuluar kërkesat për reformat ë tjera buxhetore dhe politike para se të hapen negociata për një hua të re.