Me zgjatjen e krizës politike në Maqedoni, partive në pushtet u ka rënë mbështetja e elektoratit. Ndërkohë partitë e reja po përpiqen të lidhin koalicione dhe të përpilojnë programe të përbashkëta para zgjedhjeve të parashikuara për në prill të vitit të ardhshëm. Lëvizja për Reforma dhe Partia Demokratike Kombëtare e kanë quajtur bashkëpunimin e tyre “Aleanca për shqiptarët”, ndërkohë që u bëjnë thirrje faktorëve të tjerë politikë dhe shoqërisë civile që t’u bashkohen.