“Njerëz në Amerikë”, është një serial me rrëfime të disa amerikanëve që kanë ardhur në SHBA nga vende të ndryshme.
Ata rrëfejnë në vetën e parë dhe mund t’ju befasojnë me mendimet, filozofitë për jetën dhe mënyrën se si e përjetojnë demokracinë, lirinë e shprehjes dhe jetën në komunitet.
Çdo episod i këtij seriali u kushtohet amerikanëve, herë të njohur dhe herë jo, por që gjithmonë kanë diçka për të treguar.
E ftuar në këtë episod është Athena Zhe, artistja që përdor një telajo aspak të zakontë: trupin e njeriut. Në fillim pikturonte fytyrat e fëmijëve, por me kalimin e kohës Zhe u bë shumë e njohur për shndërrimet dhe efektet speciale përmes pikturimit të gjithë trupit.
Athena e shndërroi pasionin e fëmijërisë në një biznes të mirëfilltë.
