Lidhje

Apeli refuzon pezullimin e tre gjykatësve të akuzuar për korrupsion


Apeli refuzon pezullimin e tre gjykatësve të akuzuar për korrupsion
please wait

No media source currently available

0:00 0:02:21 0:00

Gjykata e Apelit për Krimet e Rënda refuzoi të mërkurën të shqyrtojë kërkesën e prokurorisë për pezullimin nga detyra të tre gjykatësve nga Durrësi, të cilët po hetohen për korrupsion.

Tre gjyqtarët e gjykatës së Apelit Durrës, Kliton Spahiu, Petraq Dhimitri dhe Petrit Çeno janë nën hetim për korrupsion pasiv nga Prokuroria e Krimeve të Rënda, pasi dyshohen se janë sponsorizuar në dy udhëtime jashtë vendit nga një biznesmen durrsak, i cili ishte palë në një proces civil që po shqyrtohej prej tyre.

Vendimi i Apelit për moshqyrtimin e çështjes vjen vetëm pak ditë pasi Gjykata e Shkallës së Parë për Krimet e Rënda, hodhi poshtë kërkesën e Prokurorisë për masën e sigurisë ndaj tre të dyshuarave.

Të dhënat e siguruara nga BIRN prej dosjes hetimore tregojnë se tre gjyqtarët kanë ndërmarrë një udhëtim në Spanjë në tetor 2014, për të parë ndeshjen e futbollit Real Madrid – Barcelona.

Prokuroria dyshon se ky udhëtim është bërë në shoqërinë e biznesmenit Namik Sadiku – pronari i një kompleksi turistik në Durrës – dhe është paguar prej tij.

Në kohën e udhëtimit drejt Madridit, Sadiku kishte të hapur një çështje gjyqësore në Gjykatën e Apelit Durrës, ku relator ishte gjyqtari Spahiu dhe anëtarë të trupit gjykues ishin Petrit Çeno dhe Petraq Dhimitri. Më herët, dyshohet se relatori i çështjes, Kliton Spahiu dhe gjyqtari Petraq Dhimitri kishin udhëtuar në shoqërinë e Sadikut edhe në Itali.

Konflikti gjyqësor lidhet me ndërtimin e hotelit 10 katësh të Sadikut në plazhin e Durrësit, në zonën e Shkëmbit të Kavajës. Sadiku ishte paditur nga ish ortaku i tij në ndërtimin e kompleksit, Oliver Ushina, prej shkurtit të vitit 2012.Në Gjykatën e Shkallës së Parë Durrës, çështja në fjalë është fituar nga paditësi Oliver Ushina. Ndërkohë, Gjykata e Apelit e ka rrëzuar vendimin e Shkallës së Parë duke i dhënë të drejtë Sadikut.

Pas vendimit të Gjykatës së Apelit, Prokuroria pritet ti drejtohet Këshillit të Lartë të Drejtësisë për pezullimin e tre gjyqtarëve nga detyra.

Facebook Forum

XS
SM
MD
LG