Lidhje

Trump ashpërson retorikën kundër bandës “MS-13”


Presidenti amerikan Donald Trump është zotuar që të bëjë ndryshime “radikale” ndaj praktikave për ndihmat duke pezulluar ndihmat qeveritare ndaj vendeve që lejojnë futjen e individëve me të kaluar kriminale në Shtetet e Bashkuara. Presidenti Trump foli gjatë një takimi në Nju Jork, një shtet që po lufton bandat kriminale. Zyrtarët e Nju Jorkut e njohën presidentin me përparimet e bëra në shpërbërjen e bandës së dhunshme “Mara Salvatrucha” që njihet edhe si “MS-13”.

Grupi “MS-13” filloi në vitet 80-të në Los Angeles nga emigrantët nga El Salvadori. Banda është zgjeruar me përfshirjen e hondurasve, guatemalasve, meksikanëve dhe shtetasve nga vende të tjera të Amerikës Qendrore dhe Jugore. Motoja e bandës është “vrit, përdhuno dhe kontrollo”.

“I kam quajtur kafshë dhe më qortuan. Ata thanë se janë njerëz. Ata nuk janë njerëz, janë kafshë”, tha Presidenti Trump.

Presidenti e ka bërë ndër prioritetet kryesore eliminimin e bandës “MS-13”. Ai vlerësoi Agjencinë e Imigracionit për burgosjen dhe dëbimin e mijëra pjestarëve të bandës. Një zyrtar i lartë i agjencisës tha se 4,800 pjestarë të bandës, përfshi qindra udhëheqës dhe bashkëpunëtorë të “MS-13”, u arrestuan një vit më parë në të gjithë vendin. Thomas Homan është drejtor në detyrë i Agjencisë për Imigrancionin dhe Doganat.

“Duam ta shtrijmë goditjen drejt jugut, Po godasim MS-13 atje ku është komanda dhe kontolli në El Salvador. Zyrat tona në Amerikën Qendrore po punojnë ngushtë me organet e rendit dhe të drejtësisë në El Salvador. Kemi arrestuar dhe larguar qindra pjestarë të MS-13 nga rrugët e El Salvadorit.”

Presidenti Trump tha se vendet që lejojnë kriminelët e tyre të futen në Shtetet e Bashkuara do të penalizohen.

“Do të ndërtojmë një sistem ku sa herë dikush vjen nga një vend i caktuar, atij vendi do t’i shkurtojmë një sasi të madhe parash nga ndihmat që ne japim, nëse u japim ndonjë ndihmë. Pavarësisht raporteve që dëgjoj, mendoj se këto vende nuk po na ndihmojnë.”

Kritkët thonë se presidenti po përdor frikën nga bandat për të avancuar axhendën e tij kundër imigrancionit. Angel Reyes është aktivist për imigracionin.

“Presidenti do të përdorë çdo justifikim të mundshëm për të avancuar axhendën e tij kundër imigracionit, ksenofobinë, racizmin dhe për këtë arsye po ngremë zërin që ta kuptojë se nuk është i mirpëritur në këtë komunitet.”

Grupe veprimtarësh lokalë dhe familje u mblodhën jashtë vendit ku mbahej takimi me Presidentin Trump për të protestuar kundër bastisjeve të kohëve të fundit ndaj imigrantëve pa dokumente në Nju Jork.

Facebook Forum

XS
SM
MD
LG