Këto ditë, prej datës 6 deri në 16 shtator në Washington DC zhvillohet festivali i filmave me metrazh të shkurtër, një ngjarje artistike që zhvillohet prej 15 vjetesh dhe ku shfaqenfilmat më mirë të këtij zhanri në botë. Këtë vit, do të shfaqen mbi 130 filma, mes tyre dhe filmi me metrazh të shkurtër "Bini'' i regjisorit Erblin Nushi, i cili është dhe një prej finalistëve të "Student Academy Awards", krijuar nga akademia e çmimeve Oscar, prej vitit 1972, me qëllimin për të përkrahur dhe inkurajuar përsosmërinë në bërjen e filmave në nivel studentor. Filmi bazohet në një ngjarje të vërtetë, trajton një nga periudhat më të trishta të historisë së Kosovës, shpërthimin e luftës parë nga sytë e një fëmije, vetë regjisorit në fakt, eksperiencen traumatike të tij dhe familjes së tij. Në një intervistë për Zërin e Amerikës ai flet për filmin dhe karrierën e tij si regjisor.
Facebook Forum