Lidhje

Tiranë: SHBA u kërkojnë politikanëve të refuzojnë dhunën, të mos pengojnë zgjedhjet


Në Tiranë, Ambasada e Shteteve të Bashkuara të Amerikës u bëri thirrje të gjithë udhëheqësve politikë, zyrtarëve të qeverisë, agjencive të sigurisë dhe qytetarëve shqiptarë të sigurohen që zgjedhjet e 30 qershorit të zhvillohen në mënyrë të qetë dhe transparente.

“Ne nxisim udhëheqësit politikë të refuzojnë çdo dhe të gjitha llojet e dhunës, apo çdo përpjekje për të penguar procesin zgjedhor apo edhe të drejtën e çdo qytetari për të votuar” - thuhet në deklaratën e ambasadës amerikane.

Diplomatët amerikanë shtuan se dhuna nuk është një mënyrë legjitime e të shprehurit politik, dhe se ata që përfshihen në akte dhune duhen hetuar me të gjithë fuqinë e ligjit.

Shtetet e Bashkuara do të kenë ekipe vëzhguesish në qendrat e votimit dhe qendrat e numërimit në mbarë Shqipërinë, dhe do të mbështeten në raportin e OSBE/ODIHR-it për të vlerësuar rregullsinë e votimit.

“Ne nxisim udhëheqësit politikë që, pas zgjedhjeve të së dielës, të rikthejnë vëmendjen e tyre në forcimin e institucioneve demokratike shqiptare dhe zbatimin e ligjit, përfshirë edhe ecjen përpara me ngritjen e një Gjykate Kushtetuese të drejtuar nga gjykatës, të cilët e kanë kaluar vetingun. Miratimi i reformave zgjedhore dhe zbatimi i reformës në drejtësi janë thelbësore për aspiratat europiane të Shqipërisë dhe për ngritjen e demokracisë së fortë që i shërben të gjithë shqiptarëve” - përfundon deklarata e ambasadës së SHBA-ve në Shqipëri.

Facebook Forum

XS
SM
MD
LG