Kinë, vriten tetë fëmijë në një masakër në shkollë

Tetë fëmijë kanë mbetur të vdekur gjatë një sulmi në një shkollë fillore në Kinën qendrore.

Dy fëmijë të tjerë u lënduan gjatë sulmit në fshatin Chaoyangpo në provincën Hubei, sipas një deklarate të nxjerrë nga policia në qytetin Enshi. Një burrë 40-vjeçar është arrestuar lidhur me incidentin dhe konsiderohet si i dyshuari kryesor.

Policia nuk ka bërë të ditur hollësi të incidentit, por në Kinë ka pasur disa raste kur fëmijë shkollash janë vënë në shenjestër në sulme me thikë.