Dhjetëra mijëra vetë u mblodhën në Ahvaz, një qytet në jug-perëndim të Iranit, për të nderuar Qasem Soleimanit komandantin e forcës Quds i cili u vra më 3 janar pas një sulmi ajror amerikan në Irak.
Televizioni shtetëror transmetoi pamjet e drejtpërdrejta të ceremonisë të së dielës ku shfaqeshin njerëz të veshur me të zeza duke kënduar e rrahur gjoksin si shprehje homazhi për Soleimanin, trupi i të cilit u kthye në Iran pak përpara agimit të së dielës.
Irani ka shpallur tre ditë zie kombëtare për nder të Soleimanit dhe trupi i tij do të dërgohet në qytetin e shenjtë të Mashadit dhe në Teheran përpara se të varroset në vendlindjen e tij në Kerman, më 7 janar.
Në cilësinë e kreut të forcës Quds, 62-vjeçari Soleimani pati ndihmuar në orkestrimin e operacioneve të fshehta ushtarake të Teheranit.
Forca Quds është cilësuar si një organizatë terroriste e huaj nga Shtetet e Bashkuara.
Qasem Soleimani u vra gjatë një sulmi ajror amerikan në orët e para të mëngjesit të 3 janarit, një sulm që rriti tensionet mes Uashingtonit dhe Teheranit.
Facebook Forum