Një grup studentësh nga fakulteti juridik i Universitetit të Prishtinës po marrin pjesë në programin “Model United Nations” në Universitetin e Harvardit në Boston. Bashkë me qindra studentë të tjerë nga e gjithë bota ata simulojnë debate dhe kanë rast ta venë veten në rolin e atyre që marrin vendime në organizatën e Kombeve të Bashkuara. Grupi i tyre ka hartuar një projekt me ide të reja se si mund të funksionojë më mirë diplomacia, politika e jashtme dhe e drejta ndërkombëtare publike në Kosovë. Zëri i Amerikës bisedoi në Skype me dy prej tyre, Medinë Millaku dhe Adenit Hoti. Tre studentët e tjerë janë: Dhurata Gutaj, Ilir Hajraj dhe Urata Gashi.
Facebook Forum