Lidhje

Luizianë, vazhdojnë tubimet në objekte fetare


Qindra besimtarë morën pjesë në shërbime fetare në një kishë në Luiziana të dielën, megjithëse ekziston një ndalim për tubime të mëdha, duke zemëruar fqinjët dhe duke i injoruar paralajmërimet e guvernatorit të tyre, se spitalet së shpejti mund të mbingarkohen me raste të reja të koronavirusit.

Rreth 500 njerëz të të gjitha moshave u grumbulluan në Kishën Life Tabernacle në Central, një qytet me rreth 29'000 banorë pranë Baton Rouge.

Gazetarët nuk u lejuan të filmonin në pronën e kishës dhe besimtarëve u ishte kërkuar që të mos flisnin me median.

Ata hynë brenda në kishë pa bërë komente.

Pastori Timothy Spell komentoi shkurtimisht, duke thënë se kisha ka të drejtën e grumbullimit, nuk po detyron askënd të marrë pjesë në shërbesa, nuk po shkel asnjë ligj dhe do të vazhdojë të zhvillojë veprimtarinë e saj.

"Pika e nxehtë është në Nju Orlins, jo këtu. Por, edhe po të ishim në Nju Orlins, përsëri ke të drejtën e grumbullimit, në mënyrë paqësore", tha ai.

Sipas shifrave zyrtare, më shumë se 3.500 banorë të Luizianës janë diagnostikuar me koronavirus, dhe më shumë se 150 prej tyre kanë vdekur.

Joseph Kanter, zyrtar i Departamentit të Shëndetësisë për shtetin e Luizianës tha se nuk ja vlen të vësh jetën në rrezik me këtë virus të paparashikueshëm duke u grumbulluar në kisha.

"COVID është i pabesë. Ne po mësojmë të reja çdo ditë. Ka shumë më tepër pyetje sesa përgjigje. Përse duhet të vësh të dashurit e tu në rrezik?"

Zyrtarët në shtetin e Luizianës po punojnë për të përballuar fluksin e pacientëve të prekur me koronavirus. Nju Orlins është një nga pikat më të nxehta të virusit në Shtetet e Bashkuara. Zyrtarët thanë se festimet e Mardi Gras, që tërheqin vizitorë nga e gjithë bota, ishin një faktor i përhapjes me shpejtësi të virusit.

Facebook Forum

XS
SM
MD
LG