Lidhje

Gjykatësja Ginsburg thotë se kanceri është rikthyer, por ajo nuk do të dalë në pension


Supreme Court Associate Justice Ruth Bader Ginsburg speaks at the Library of Congress National Book Festival in Washington, Saturday, Aug. 31, 2019. (AP Photo/Cliff Owen)

Gjykatësja Ruth Bader Ginsburg tha të premten se po i nënshtrohet trajtimit me kimioterapi pasi i është rishfaqur kanceri, por nuk ka në plan të tërhiqet nga Gjykata e Lartë.

87 vjeçarja Ginsburg, e cila kaloi kohë në spital këtë javë për një infeksion të mundshëm, tha se trajtimi i saj deri më tani ka arritur të zvogëlojë kancerin në mëlçi dhe se ajo do të vazhdojë seancat e kimioterapisë çdo dy javë.

"Shpesh kam thënë se do të qëndroja si anëtare e Gjykatës për sa kohë që mundem ta bëj punën dhe mbetem plotësisht e aftë ta bëj atë", tha Ginsburg në një deklaratë të publikuar nga gjykata.

Ajo tha se shtrimet në spital kohët e fundit, përfshirë atë në maj, nuk kishin lidhje me kancerin.

Një skanim mjekësor në shkurt zbuloi një rritje të mëlçisë së saj, dhe ajo filloi kimioterapinë në maj.

"Skanimi i fundit në 7 korrik tregoi ulje të konsiderueshme të kancerit të mëlçisë dhe asnjë sëmundje të re," tha Ginsburg. "Unë po e përballojë mirë kimioterapinë dhe jam e inkurajuar nga suksesi i trajtimit aktual".

Facebook Forum

XS
SM
MD
LG