Lidhje

Tiranë: Nderohen Dëshmorët e Kombit në Ditën Kombëtare të Çlirimit


Në Tiranë, autoritetet më të larta shtetërore përkujtuan sot Ditën e Çlirimit të Shqipërisë nga pushtuesit nazistë gjatë Luftës së Dytë Botërore.

Megjithë kufizimet e pandemisë së Covidit, ata zhvilluan një ceremoni zyrtare dhe vendosën kurora me lule pranë monumentit “Nënë Shqipëri” në varrezat e Dëshmorëve të Kombit.

Gjatë Luftës së Dytë Botërore 28 mijë shqiptarë humbën jetën në rezistencën përballë pushtuesve fashistë dhe nazistë.

Me sakrificat e tyre sublime, ata e renditën Shqipërinë përkrah fitimtarëve të Luftës së Dytë Botërore, por menjëherë pas largimit të ushtrive naziste, Shqipëria ra nën diktaturën e komunistëve vendas.

29 nëntori është në Shqipëri dita e nderimit të dëshmorëve të kombit. Masat shtrënguese ndaj pandemisë pakësuan ndjeshëm festimet tradicionale të nëntorit, si ato Ditës së Pavarësisë dje ashtu edhe ato të Ditës së Çlirimit sot.

Facebook Forum

XS
SM
MD
LG