Lidhje

Gara e re hapësinore 


NASA MARS

Kina tani është një ndër vendet që ka zbarkuar një anije hapësinore dhe një mjet robotik, që njihet ndryshe si rover, në planetin Mars dhe po planifikon të rrisë më shumë prezencën. Ekspertët thonë se konkurrenca e shtuar do të shtyjë shkencëtarët të eksplorojnë më shumë.

Gara e re hapësinore
please wait
Embed

No media source currently available

0:00 0:02:44 0:00

Të dhënat e vazhdueshme që Edwin Kite merr nga SHBA dhe roverët kinezë duke eksploruar njëkohësisht sipërfaqen e planetit Mars e mbajnë atë pjesën më të madhe të ditës të zënë, në laboratorin e tij ku punon, në Universitetin e Çikagos.

Mbledhja e informacionit në fushën e studimit të tij ishte realizuar tradicionalisht duke përdorur teleskopë dhe analizuar meteorët apo gurët e paktë të Hënës, të sjellë nga astronautët amerikanë në Tokë në vitet 1960 dhe ‘70.

Por misionet e reja në planetin Mars po ndihmojnë zotin Kite dhe kolegët e tij të kuptojnë më mirë planetin e kuq, pas provave të mbledhura nga mjetet robotike.

“Ne vetëm kemi gërvishtur sipërfaqen e asaj që mund të zbulojmë. Ne nuk e dimë se çfarë do sjellë faza tjetër të eksplorimit”, thotë zoti Edwin Kite, gjeoshkencëtar.

Gjatë një seance dëgjimore me Dhomën e Përfaqësuesve, që u zhvillua në distancë, administratori i NASA-s Bill Nelson, një ish-astronaut dhe ish-senator amerikan nga Florida, dha alarmin për suksesin e fundit të programit hapësinor kinez. Ai tha se ky mision nuk është i kufizuar vetëm në planetin e kuq.

Por cila është arsyeja pse zoti Nelson po nxit ligjvënësit të mbështesin programin “Artemis” të NASA-s, i cili planifikon të kthejë njerëzit, përfshirë gruan e parë, në Hënë, ndërsa planeti Mars do të jetë destinacioni përfundimtar. Administratori i NASA-s thotë se Kina është në një rrugë të ngjashme.

Unë mendoj se kjo është duke shtuar një element të ri nëse duam të bëhemi seriozë dhe duhet të marrim shumë aktivitete duke ulur njerëzit përsëri në sipërfaqen e Hënës”, thotë zoti Bill Nelson.

Kina po fiton me shpejtësi ndaj SHBA dhe evropianët janë gjithashtu në këtë garë hapësinore”, thotë profesori i Astronomisë dhe Astrofizikës, Rocky Kolb.

Rocky Kolb, profesor i Astronomisë dhe Astrofizikës në Universitetin e Çikagos, beson se një garë e re hapësinore mund të jetë pozitive. Ai thotë se programet hapësinore të SHBA dhe Kinës të bashkëpunonin më shumë sesa të konkurronin.

Ka shumë talent në Kinë që ne mund të përdorim dhe shumë burime në Kinë. Dhe ata kanë shumë para për të eksploruar hapësirën”, thotë zoti Rocky Kolb.

Por, si zoti Kite edhe zoti Kolb pranojnë se ekziston një kufi për bashkëpunim midis Shteteve të Bashkuara dhe Kinës.

“Teknologjia e përfshirë në eksplorimin paqësor të hapësirës mund të futet në përdorime ushtarake”, thotë Rocky Kolb

Ka pengesa ligjore për bashkëpunimin dypalësh midis NASA dhe programit hapësinor kinez”, thotë Edwin Kite, gjeoshkencëtar.

Të etur për më shumë informacione, dy ekspertët thonë se ka vetëm një planet Mars dhe ai nuk i përket SHBA-ve dhe as Kinës.

XS
SM
MD
LG