Lidhje

4 aleatë të ish-Presidentit Trump marrin kërkesa për të dëshmuar në Kongres


Photo by: JT/STAR MAX/IPx 2021 2/4/21 Justice Department unveils further charges in Capitol Riot. A leader of The Proud Boys has been arrested and two men have been charged with an effort to block certification of President Biden's election win…

Një Komision i Dhomës së Përfaqësuesve që po heton sulmin 6 janarit në Kapitol u ka dërguar kërkesa ligjore për të dhënë dëshmi katër këshilltarëve dhe bashkëpunëtorëve të ish-presidentit Donald Trump, të cilët ishin në kontakt me të para dhe gjatë sulmit. Komisioni u ka kërkuar atyre që të përgatiten për të dëshmuar në mes të tetorit.

Komisioni u ka dërguar kërkesa zyrtare ish-shefit të personelit të Shtëpisë së Bardhë Mark Meadows, ish -zëvendës shefit të personelit të Shtëpisë së Bardhë për komunikim, Dan Scavino, ish –zyrtarit të Departamentit të Mbrojtjes, Kashyap Patel dhe ish -këshilltarit të ish-presidentit Trump, Steve Bannon.

Kryetari i Komisionit, ligjvënësi demokrat Bennie Thompson, në letrën dërguar katër ish-zyrtarëve, shkruante se komisioni po heton "faktet, rrethanat dhe shkaqet" e sulmit dhe u kërkoi atyre të paraqisnin dokumente dhe të paraqiteshin për të dëshmuar në mes të tetorit.

Kërkesat për paraqitje të detyrueshme janë një përshkallëzim domethënës për Komisionin, i cili planifikon të nisë fazën e marrjes së dëshmitarëve në pyetje pas shqyrtimit të mijëra dokumenteve që ka marrë nga agjencitë federale dhe kompanitë e mediave sociale. Qëllimi i tyre është të sigurohet një pasqyrë e plotë e asaj që ndodhi, kur mbështetësit e zotit Trump sulmuan policinë dhe ndërprenë përkohësisht çertifikimin e fitores së Presidentit Joe Biden, dhe për të shmangur përsëritjen e ngjarjeve të këtij lloji në të ardhmen.

Qindra mbështetës të ish-presidentit Trump hynë me dhunë në Kapitol më 6 janar dhe u përpoqën të përmbysnin humbjen e tij, duke ndërprerë përkohësisht çertifikimin e fitores së Presidentit Joe Biden.

Facebook Forum

XS
SM
MD
LG