Në rrjedhjen e miliona dokumenteve financiare të njohura me emrin “Pandora Papers”, figuron edhe emri i një kompanie shqiptare, “AL Energy Transmission”, e regjistruar në “parajsa fiskale".
Kompania është paguar me rreth 3.5 milionë dollarë për konsulencën e saj lidhur me linjën e interkonjeksionit Shqipëri-Kosovë.
Rrjeti investigativ BIRN, në Shqipëri, ka botuar sot një shkrim ku thekson se firma boshnjake “Energoinvest”, e cila kishte fituar tenderin e interkonjeksionit në vitin 2014 e ka paguar kompaninë “AL Energy Transmission” me 1.5 milionë dollarë; pra i ka dhënë këstin e parë një muaj pasi kjo kompani sapo ishte krijuar.
Redaktori i BIRN-it, Besar Likmeta në një intervistë për Zërin e Amerikës foli lidhur me dyshimet për këtë kompani.
