Katër persona janë vrarë dhe shumë të tjerë janë plagosur gjatë të shtënave me armë zjarri një natë më parë në qytetin Dadeville, tha Agjencia e Zbatimit të Ligjit në Alabama. Deri në publikimin e lajmit nuk ka të dhëna se çfarë i nxiti të shtënat me armë dhe nëse një i dyshuar është ndaluar nga organet e rendit.
Pastori Ben Hayes, i cili shërben si kapelan në policinë e qytetit dhe për ekipin lokal të futbollit të shkollës së mesme, tha se shumica e viktimave janë adoleshentë sepse të shtënat ndodhën në një festë datëlindjeje për një 16-vjeçare. Ai tha se ngjarja ka tronditur qytetin e vogël, ku krimet e rënda janë të rralla.
“Një nga të rinjtë e vrarë ishte ndër sportistët tanë më të mirë dhe një djalë i shkëlqyer. I njihja shumë nga studentët. Dadeville është një qytet i vogël dhe do të ndikojë tek të gjithë në zonë”, tha zoti Hayes.
Qyteti Dadeville, me një popullsi prej rreth 3,200 banorësh, ndodhet në pjesën lidore të shtetit Alabama.
