Ambasadori i Shqipërisë në NATO, Artur Kuko, i cili ndodhet në Çikago, i tha Zërit të Amerikës se Shqipëria do të jetë pjesë e paketës së re që po konfigurohet nga NATO-ja për Afganistanin. Kryeministri Berisha, tha zoti Kuko, ka bërë deklaratën përkatëse në sesionet e takimit të Çikagos që Shqipëria do të vijojë të qëndrojë në Afganistan për aq kohë sa do të qëndrojnë Shtetet e Bashkuara dhe Aleanca për të dhënë kontributin e saj, i cili në shifra absolute është modest por i ndjeshëm po të matet për frymë popullsie.