Analiza e dytë e drogës për çiklistin amerikan fitues të Turneut të Francës Floyd Landis doli pozitive për nivele anormale të testosteronit.
Ekipi Fonak i çiklizmit e përjashtoi atë pas rezultateve të njoftuara sot në Paris nga Shoqata Ndërkombëtare e Çiklizmit.
Fitorja mahnitëse e çiklistit Landis ka qënë nën retë e dyshimit që kur analistat e para treguan nivel të lartë të testrosteronit pas fazës së 17të në Turneun e Francës.
Landis nxorri një deklaratë sot ku thotë se është i pafajshëm dhe se do ta provojë pafajësinë e tij.
Çështja do t’i kalojë tani Agjencisë amerikane të Dopingut e cila do të dojë disa javë të marrë vendimin përfundimtar mbi këtë çështje.
30 vjeçarit Landis mund t’i hiqet titulli i kampionit duke u bërë kështu i pari rast në histori që skualifikohet për përdorim të dopingut. Fituesi i vendit të dytë Oscar Pereiro i Spanjës mund të shpallet fitues.