Në Tiranë, kryeministri Sali Berisha shperndau dokumentat e para të pronësisë disa familjeve që jetojnë në banesa të parregullta, në hapje të një procesi për legalizimin masiv të tyre. Qeveria është angazhuar që krahas legalizimit të ndertimeve pa leje, ajo do të kryejë edhe kthimin e pronave dhe kompensimin e pronarëve të tyre. Sipas një vleresimi të ekspertëve, gjatë viteve 90 e deri sot, në Shqipëri janë bërë rreth 400 mijë ndërtime të paligjshme.
