Policia në Turqi arriti të shmangë një sulm me bombë pas zbulimit të një makinë të mbushur me lëndë shpërthyese në një parkim publik në qendër të Ankarasë.
Guvernatori i Ankarasë Kemal Onal tha se u shmang një fatkeqësi e mundshme. Policia, tha ai, zbuloi sot një sasi të madhe lëndësh shpërthyese në një mikrobuz me targa fallco. Autoritetet i evakuan me shpejtësi dyqanet dhe zyrat pranë. Më pas zyra e guvernatorit tha se lënda shpërthyese e gjetur, lë të kuptohet për përfshirje të separatistëve kurdë. Deri tani asnjë grup nuk e ka marë përgjegjësinë.
Në të kaluarën ekstremistët islamikë dhe grupe ekstreme të majta kanë kryer shpërthime të ngjashme. Në vitin 2003, rreth 60 vetë u vranë në disa sulme vetë-vrasëse me bombë në Stamboll. Autoritet fajësuan për to terroristë të lidhur me Al-Kaidën. //rd//