Presidenti rus Dmitri Medvedev bëri thirrje përsëri për një traktat të
sigurimit evropian modern dhe gjithëpërfshirës, i cili do të
zëvëndësonte marrëveshjet e arritura para disa dekadash lidhur me
sigurimin në Evropë.
Zoti
Medvedev u tha sot diplomatëve rusë në Moskë se zbatimi i planeve
amerikane për një sistem mbrojtës nga raketat në Evropë vetëm do të
acarojë situatën dhe do ta detyrojë Rusinë të përgjigjet. Udhëheqëqi
rus tha se Shtetet e Bashkuara dhe Rusia mbajnë përgjegjësinë kryesore
për ruajtjen e qëndrueshmërisë globale. Por ai shtoi se stabiliteti nuk
mund të ruhet në se Shtetet e Bashkuara fillojnë të prishin në mënyrë
të njënashme balancën strategjike eksistuese.
Rusia përsëriti
paralajmërimin e saj se dislokimi i sistemit amerikan mbrojtës mund të
nxisë një garë të re armatimesh. Zoti Medvedev dënoi gjithashtu përsëri
shpalljen e pavarësisë së Kosovës, duke e cilësuar pavarësinë si dhe
mbështetjen e saj nga vendet perëndimore si një shkelje të ligjit
ndërkombëtar.