Partia kryesore e opozitës në Maqedoni, ajo social-demokrate bojkotoi parlamentin pasi policia arrestoi zëvendës kryetarin e saj nën akuzat për korrupsion.
Autoritetet thanë se policia arrestoi kryetarin e bashkisë së qytetit Strumicë, Zoran Zaev dhe katër persona të tjerë gjatë hetimeve për dhënien e lejeve të ndërtimit për një kompleks biznesi në qytet.
Zyrtarët e partisë denoncuan arrestimin si të motivuar politikisht.
Agjencitë e lajmeve njoftojnë se përkrahësit e zotit Zaev u përleshën me policinë jashtë ndërtesës së gjykatës ku autoritetet po merrnin në pyetje politikanët.
Social-demokratët pësuan një humbje të thellë në
zgjedhjet parlamentare të 1 qershorit ku koalicioni konservator i kryeministrit
Nikola Gruevski fitoi 63 vende në parlamentin prej 120 anëtarësh. (ze)