Organizata Ndërkombëtare e Krizave thotë se mbyllja e zyrës së Përfaqësuesit Ndërkombëtar për Bosnjen në këtë periudhë do ta vinte në rrezik stabilitetin në këtë vend.
Kjo organizatë ndërkombëtare kërkimore me seli në Bruksel e konsideron si të mirëpritur hapin për të mbyllur statusin e protektoratit ndërkombëtar për Bosnjen, dhe shton se ky hap duhet të ndërmerret së shpejti. Por organizata paralajmëron se momentalisht është gabim të kryhet ky tranzicion.
Grupi Ndërkombëtar i Krizave thotë se udhëheqësit e Bosnjes po e sfidojnë më hapur se kurrë Marrëveshjen e Dejtonit për paqe në Bosnje, e cila i dha fund konfliktit në këtë vend ballkanik. Organizata paralajmëron se mbyllja e Zyrës së Përfaqësuesit Ndërkombëtar para krijimit të kushteve të nevojshme do të dërgonte një sinjal të gabuar.
Komuniteti ndërkombëtar i ka dhënë Përfaqësuesit Ndërkombëtar autoritetin të imponojë ligje dhe të heqë nga posti zyrtarë të zgjedhur.
Këshilli Ndërkombëtar për Vendosjen e Paqes, i cili mbikqyr zbatimin e Marrëveshjes së Dejtonit për Paqe, emëron Përfaqësuesin Ndërkombëtar. //ad//