Ligjvënësit republikanë të Kongresit amerikan thanë se
buxheti i propozuar nga presidenti demokrat Obama në fund të fundit do të
dëmtojë klasën e mesme amerikane.
Në fjalimin e sotëm të mbajtur në emër të partisë së tij,
senatori republikan Chuck Grassley tha
se zoti Obama dhe aleatët e tij në Kongres synojnë "të shpenzojnë jashtë mase,
të taksojnë jashtë mase dhe të marrin hua jashtë mase."
Senatori Grassley tha se projektbuxheti i Presidentit Obama do të rrisë taksat
ndaj biznesit të vogël duke e detyruar atë të shkurtojë shpenzimet dhe vendet e
punës. //mm//